The happiness and worries are raised by mind waves!

 மனதின் அலைஇயக்கத்தில் எழும் இன்பம் துன்பம்!

மனமென்னும் அலைஇயக்கம் நாள்தோறும் நடந்திடும்

உடலெங்கும் பரவிஉணர்வு பெற்றுஅறிவுக்கு கடத்திடும்

எங்கோ ஒர்தடை என்றாலங்கே மின்குறுக்கு வலியாகும்

தடைவிலகி சரியானால் மீண்டுமங்கே சுகம்கிடைக்கும்

நீரருந்த சுவையில்லை இனிப்பிட்டால் சுவையறிவோம்

தூரத்துஒலி கேட்பதில்லை அருகிலொலியுர்வை கேட்போம்

இனிப்பே தொடர்ந்தால் சுவையில்லை துன்பமேவரும்

ஒலியே தொடரந்தால் இழப்பில்காதில் வலியுணர்வோம்

பார்க்கும்பொருள் கண்ஒளி தடைபட்டாலே காட்சியாம்

வானம்பார்க்க ஏதுதடை இருப்பதை இல்லையென்கிறோம்!

விளக்கம்:

மனதின் நுட்பமான அலை இயக்கம் குறித்து இந்தக்கவிதையில் காண்கிறோம். தூக்கத்தில் மட்டுமே மன இயக்கம் நிலைக்கு வருகிறது. ஆனால், மனம் நம் உடல் முழுவதும் ஓவ்வொரு நாளிலும் இயங்கிக்கொண்டே இருக்கிறது. இதனால் உடல் உறுப்புக்கள் பெறும் உணர்வுகளை பெற்று அறிவுக்கு கடத்திக்கொண்டே இருக்கிறது. அந்த சீரான அலை இயக்கத்தில் ஒரு தடை உண்டாகுமானால், அங்கே மின்குறுக்கு ஏற்படும். அதுவே வலி என்பதாக உணரப்படுகிறது. தடை விலகிவிட்டால், அங்கே முதலில் இருந்த வலி விலகு சுகமான உணர்வு கிடைக்கிறது. மின்சார ஓட்டத்தையும், மின்குறுக்கையும் உதாரணமாக கொள்ளலாம்.

சாதாரணமாக நீரை அருந்தினால் சுவை தெரிவதில்லை. அதன் உண்மை என்னவென்றால், மனதின் அலை உணரக்கூடிய அளவில் நீரில் சுவை இல்லை என்பதாகும். இப்பொழுது நீரில் கொஞ்சம் சக்கரை கலந்தால், இனிப்பு சுவை கூடுகிறது. இதன் முழுமை என்னவென்றால், சக்கரையின் இனிப்பு அளவிற்கு நம் மனதின் அலை ஏறி இறங்குகிறது என்பதுவே. இதை அறிதல் கடினம் என்றாலும் கூட இயல்பானதே!

அடுத்து, ஒலி எங்கும் பரவியுள்ளது, தூரத்தில் நம்மை யாரேனும் அழைத்தால் நம்மால் கவனிக்க முடிவதில்லை. கொஞ்சம் அருகில் வந்து அழைத்தால் உடனே கவனம் பெற்று திரும்பிப்பார்க்கிறோம். அந்த ஒலி காதின் வழியாக, மன அலை பெற்று நமக்கு உணர்த்துகிறது.

மேலும், இனிப்பே தொடர்ந்து சாப்பிட்டால், போதும் என்ற நிலையை பெறுவோம். அதற்குமேல் சாப்பிட தோன்றுவதில்லை. இசை கேட்டுக்கொண்டே இருந்தால் ஒருஅளவிற்கு மேல் போதும் என்று நிறுத்திவிடுவோம். காரணம் மனதின் அலை இயக்கம் வற்றி விடுகிறது என்பதாகும். இது சரி செய்யப்படும் வரை நாம் அமைதியாக இருக்கவேண்டியது அவசியமாகிறது. பொதுவாக இந்த பற்றாக்குறை தூக்கத்தில் இயல்பாக சரி செய்யப்படுகிறது.

சுவை, ஒலி போலவே, ஒரு பொருளை பார்க்கும் பொழுது, கண்கள் மூலமாக பாய்ச்சுகின்ற ஒளி தடைபட்டு திரும்பினால், அது காட்சி ஆகிறது. புகைப்பட கருவியை கவனியுங்கள். லென்ஸ் வழியாக உள்ளே வரும் காட்சிமட்டும் கருவியில் பதிவாகும். இப்பொழுது வானத்தை நீங்கள் பாருங்கள். ஏகப்பட்ட கோள்கள், நட்சத்திரங்களை பார்க்கிறீர்கள் உண்மைதான். ஆனாலும் பார்த்துக்கொண்டே இருக்கிற ஒன்றை பார்க்கமுடியாமல் இருக்கிறீர்கள், அது இல்லை என்றும் சொல்லுகிறீர்கள் என்பதாக இந்தக்கவிதை நமக்கு விளக்கம் அளிக்கிறது. 

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: