Don't get caught up in the thoughts that arise in your mind!

 மனதில் எழும் எண்ணங்களில் சிக்கிடாதீர்!

மனதைமுடிந்தளவு விரிந்த நிலையில் நிறுத்தாவிட்டால்

ஆறுவகை எண்ணச்சூழலில் சிக்கிட நேர்ந்திடுமறிவீர்

அவைதேவை பழக்கத்தால் சூழ்நிலை கருவமைப்பால்

பிறர்மனத் தூண்டுதலால் மற்றும்தெய்வீகத் தன்மையால்!

தெய்வீகதன்மை ஒருபோதும் தவறில்லைமற்றது கவனம்!

எந்நேரமும் எப்போதும் இயங்கிகொண்டே இருக்கும்மனம்,

தன்னிலெழும் எண்ணங்களில் விழ்ப்புணர்வு பெற்றால்

சிக்கலோ வினைப்பதிவோ ஏதுமின்றி செயலாற்றலாம்!

விளக்கம்:

மனிதனின் மனம் அவ்வப்பொழுது குறுகிய நிலையில், தான் என்ற அதிகார பற்றிலும், தனது என்ற பொருள் பற்றிலும் நின்றுவிடும். அப்படி இல்லாமல் பரந்த மனப்பான்மை என்ற நிலைக்கு மலர வேண்டும். தான் ஒரு தவறு செய்தால் எப்படி அதிலிருந்து விடுபெற விரும்புவோமோ, அதுபோல பிறர் தவறு செய்தால் மன்னித்துவிட பழக வேண்டும். உடனடியாக உணர்ச்சி வசப்படாத நிலைக்கு மனதை பழக்க வேண்டும். அதற்கு தவமே உறுதுணை. வேறெந்த வழிகளும் மனதை பக்குவப்படுத்த உதவுவதில்லை.

அப்படி மனதை பக்குவப்படுத்தாவிட்டால், ஆறுவகை எண்ணச்சூழலில் சிக்கி, அந்த செயலை செய்வதற்கு ஊக்கப்படுத்திவிடும். இதில் ஆறாவதாக வரும் தெய்வீக எண்ணத்தூண்டுதலில் எந்த தவறுமில்லை. தனக்கும், இந்த சமூகத்திற்கும், உலக மாந்தர்கள் அனைவருக்குமே உதவக்கூடிய எண்ணமாகவே அது இருக்கும் என்பது பொது. இதை விடுத்து மற்ற ஐந்து, 1) தேவை 2) பழக்கம் 3) சூழ்நிலை 4) கருவமைப்பு 5) பிறர்மனத் தூண்டல் ஆகியன. இந்த ஐந்திலும் சிக்கி எண்ணத்தை ஏற்றுக்கொண்டால், அது ஒரு வாழ்க்கை சிக்கலை உருவாக்கி வருத்தும், அது தீர்க்க முடியாத சுமையாகக்கூட நின்றுவிடும், அதோடு கர்மா என்ற வினைப்பதிவாகவும் வந்துவிடும். எனவே இந்த ஆறுவகையில், தனக்கு எழுந்த எண்ணம் எவ்வகை என்பதை ஆராய்ச்சியாக கொள்ள வேண்டும் என்ற உண்மையை இந்தக்கவிதை விளக்குகிறது!

வாழ்க வளமுடன்!

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: