Have you idea to control or realize the mind?

 மனதை அடக்கலாமா, அறியலாமா?

மனதை மனதாலன்றி வேறெதால் அறியமுடியும்?

மனதை அடக்கிடலாம் என்றெழுந்த யாவருக்கும்

மனமே ஆர்ப்பாட்டம் செய்தே வழிமாறசெய்தது!

மனதை அடக்கிடாது அறிவதே சிறந்தவழியாம்

மனதை அறிந்தோர்க்கு தேடுதலினி ஏதுமில்லை

மனமே மனதைஉற்றுக் கவனிக்க ஆரம்பித்தால்

மனமே தான்யார் என்பதை உணரத்துவங்கிடும்!

மனதிற்குள்ளாக இறைவழி இருப்பதை காட்டிடுமே!

விளக்கம்:

மனதவாழ்வின் முக்கிய தேடல், மனம் என்றால் என்ன என்பதாகும். அந்த மனதை அடக்கலாமா? அறியலாமா? ஆனால் மனதை அடக்கவோ, அறியவோ வேறு ஏதாவது கருவி இருக்கிறதா? இல்லை. அதற்கும் இந்த மனமேதான் தேவைப்படுகிறது. மனம் ஒருபோதும் அமைதியாக இருப்பதில்லை என்று சொல்லப்படுகிறது. அது பொதுவான ஒரு நிலைதான். அத்தகைய ஆற்றல்வாய்ந்த மனதை அடக்கிடலாம் என்று அக்காலம் முதல் இக்காலம் வரையும் முயற்சிகள் நடந்தன, நடைபெறுகின்றன. சிலர் அடக்குவதற்கு பதிலாக, அமைதிசெய்க என்று அதற்கான பயிற்சிகளும் நடைபெறுகின்றன. மனமில்லா நிலை என்றுகூட சில பயிற்சிகள் கிடைக்கின்றன.

ஆனால் நிலைமை என்னவென்றால், மனதை அடக்க முயற்சித்த அனைவருக்குமே, மனமே ஆர்ப்பாட்டம் செய்து, இது உன்னால் முடியாது என்று  வழிமாறச் செய்துவிட்டது. உண்மையிலேயே மனதை அடக்க முடியாது, அமைதிபடுத்த முடியாது ஆனால் அறியலாம், இதுவே சிறந்த வழி. தன்னையே மனம் அறிந்த பிறகுதான் அது அமைதி பெறும். மேலும் மனதை அறிந்தோர்க்கு வேறு எந்த தேடுதலும் இருக்கப்போவதுமில்லை. 

மனதை மனதால் உற்றுக்கவனிக்க ஆரம்பித்தால், கொஞ்சம் கொஞ்சமாக, மனமே தான் யார் என்று உணரத் துவங்கிவிடும். அந்த மனதிற்குள்ளாகவே இறையை உணர்வதற்கான வழியும் இருப்பதை காட்டிவிடும், என்று இந்தக்கவிதை விளக்கம் அளிக்கிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: