the mind's exuberant become a suffering

 மனதின் வழியான இன்பமே துன்பமாம்!

மனமேதினம் நம்மையறியாமல் எல்லாம் பதிவுசெய்யும்

மனசாட்சியாக எடுத்தும் காட்டும் மீண்டும்செயலாக்கும்!

பார்த்தல் கேட்டல்வாசனை சுவைஉணர்ச்சி எல்லாமும்

உணர்ந்து அனுபவித்து தன்னைமீறிட  மறுபடிதூண்டும்!

சுகமாகதொடர்ந்த அதுவேதுன்மாக மாறவும் செய்யும்,

எலும்புகடித்த நாய்தன்ரத்த சுவையே அறிவதுபோலவே!

இன்பமேதான் அங்கேமீறிட துன்பமாம் உண்மைஅறிவீர்!

எல்லாம் அனுபவித்தாலும் எதிலுமளவு முறைகாத்திடுவீர்!

விளக்கம்:

பொதுவாக மனித வாழ்வில் துன்பமே மிகுந்திருப்பதாக சொல்லுவதுண்டு. இயற்கையாக நிகழும் பேரழிவுகள்,தொடர் மழை, வெயில் என்ற இவைதான் எல்லா உயிர்களுக்கும் துன்பம். மற்றதெல்லாம் பெரும்பாலும் மனிதன் ஏற்படுத்திகொண்டதே ஆகும். இந்த துன்பம் உடலாலும் ஏற்படும். ஆனால் மனதால் ஏற்படும் துன்பங்கள்தான் வாழ்வில் அதிகமாக நிகழ்கின்றன. ஒன்றை எதிர்பார்த்து செய்து அதன் விளைவை தாங்க முடியாவிட்டாலும் துன்பமாக இருக்கும்.

மனதால் ஏற்படும் துன்பத்திற்கு பல காரணங்களில் ஒன்று, தூண்டப்படுதல் ஆகும். நாம் செய்கிற ஓவ்வொரு செயலையும், நம்மை அறியாமல், நமக்கு தெரியாமல் மனம் பதிவு செய்துகொள்ளும். மனசாட்சியாக எல்லாவற்றையும் நமக்கு அவ்வப்பொழுது எடுத்தும் காட்டும். சிலருக்கு தூக்கத்தில் கனவாகவும் வரும். தகுந்த நேரத்தில் அந்த பதிவுகளை மீண்டும் செயலாக்க நம்மை தூண்டும். இந்தவகையில்தான் கண்ணால் பார்க்கும் எந்த காட்சியும், கேட்கும் இசை,பாடல், பேச்சு, ஒலி எல்லாமும், எல்லாவித வாசனையும், எல்லாவிதமான சுவைகளும், தொட்ட, தொடப்பட்ட உணர்ச்சிகளும் மனமே உணர்ந்து, அனுபவிக்க செய்கிறது. மீண்டும் தேவை என்பதாக நம்மை தூண்டவும் செய்கிறது. 

சுகமாக, இன்பமாக இருக்கிறது என்பதுவே தொடரத்தொடர துன்பமாக மாறி வருத்துகிறது. இதற்கு உதாரணமாக, காய்ந்துபோன எலும்பு ஒன்றை, விருப்பத்தில் சுவைக்கும் நாய்க்கு, அந்த எலும்பு நாயின் வாய் ஈறுகளில் குத்தி, ரத்தம் வரவழைக்கிறது. அந்த நாயோ, இந்த எலும்பில்தான் ரத்தம் வருகிறது என்ற சுவை உணர்ந்து, வாயை மேலும் புண்ணாக்கி துன்பத்திற்குள்ளாகிறது. இங்கே நாம் புரிந்துகொள்வது, இன்பமேதான் துன்பமாக மாறிவிடுகிறது என்பதாகும். எனவே இன்பம் அனுபவிப்பதில் தவறேதும் இல்லை. ஆனால் அதுவே துன்பமாக மாறிவிடாதபடி எதிலும் அளவு முறை காத்து விழிப்பாக இருக்க வேண்டும் என்பதாக இந்தக்கவிதை உண்மை விளக்கம் தருகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: