The way to fix the mind on its truth!

நிலை கொள்ளாத மனம் நிலைக்க வழி?!

தினமும் மனதோடு போராட்டம் மனிதனுக்குஏன்?

மனமென்பது இயற்கை நம்கைக்கு அகப்படாதது!

மனதின் அலையும்தன்மை ஒருபோதும் ஓரிடத்தில்

நின்றே நிலைகொள்ளாது தன்மூலம் அறியும்வரை!

அதுவரையில் எங்கெங்கே தேங்கிநிற்கும் உன்மூலம்!

இதுவாஅதுவா என்றே உன்விருப்பம் திசைமாறிடவே

காரணம் ஒன்றுண்டு, பொருள்புகழ் செல்வாக்கின்பம்

நான்குமகற்றி மூலம்நோக்கி விருப்பம் கொள்வோம்!

விளக்கம்:

இந்த மனதோடு போராட்டம் செய்தே என்வாழ்க்கை வீணாகிறது என்று சிலர் புலம்புவார்கள். மனம் நம்மோடு பிறந்த இயற்கையான ஒன்று. தூங்கும் நேரம் தவிர மற்ற நேரமெல்லாம் நம்மோடு இருப்பது. நம்மை தூண்டுவதும், நம்மை வழி நடத்தி பிரச்சனைகளில் சிக்கவைப்பதும் அதுவேதான்.

மனம், அதன் அலையும் தன்மை, ஒருபோதும் ஓரிடத்தில், தங்கி நிலைகொள்ளாது. ஒரு குழந்தை கேட்பதைப்போல எல்லாமே வேண்டும் என்று கேட்கக்கூடியது. எதுவரை என்றால், தன்னுடை மூலம் எது என்று அறியும் வரை ஆகும். அதை அறியும் வரையில், நம்மோடு அல்லது நம்மைமீறி எங்கெங்கோ தேங்கித் தேங்கி நிற்கும், அடுத்து அடுத்து என்று பாய்ந்தும் செல்லும். 

என்றைக்காவது ஏதேனும் ஒன்றி திருப்தி என்று மனிதர்களால் சொல்லமுடிகிறதா? அல்லது இந்த இன்பம், மகிழ்ச்சி போதும் என்று நின்றுவிட முடிகிறதா? இதுவா, அதுவா என்ற குழப்பமும், இன்னும் வேண்டும் என்ற எதிர்பார்ப்பும் அல்லவா இருக்கிறது? அப்படியான நிலைக்கு இருக்கக்கூடிய ஒரே ஒரு காரணம், இதுவரை மனதை அதன் மூலம் நோக்கி நகர்த்தாமல் இருப்பதுதான். நம்முடைய பொருளாசை, புகழ் விருப்பம், செல்வாக்கு எதிர்பார்த்தல், புலன் இன்பத்தில் திளைத்தல் ஆகிய இந்த நான்கையும் நிறைவுக்கு கொண்டுவந்துவிட்டால், அதாவது போதும் இனி தேவையில்லை, என்ற நிலைக்கு திருப்தி அடைந்துவிட்டால், அடுத்த இலக்கு மனம் தன் மூலம் அறிவதுதானே? என்பதாக இந்தக்கவிதை உண்மை விளக்கம் அளிக்கிறது!

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: