Vethathriyam is the way to know the mind!

 மனம் அறிய வேதாத்திரியமே வழி!

கடலிலோர் அலைஎழும்பி அடங்கஅவ் வலையேகடலாகி

மீண்டுமீண்டும் அலையாக எழுவது உணர்ந்திடுவீர்!

அதுபோல மனமும் அலைலையாக எழுந்துதடங்குவதாம்!

அலைக்குகடலே மூலமாம் மனதிற்குமூலமாய் நிலையே!

நிலையென்பதே தெய்வமென்றார் வேதாத்திரி மகரிஷி!

ஆனாலெளிதன்று அலைநிறுத்தி நிலையாதல் எனினும்

அறிவால் உணர்ந்தே தெளியலாம் எளிதாம்யாருக்கும்!

அறிவீர் வேதாத்திரியம் வாரீர்இணைவீர் உணர்வீரே!

விளக்கம்:

என்றுமே ஓயாத கடலை, வியந்து பார்க்காதவர்கள் யாருமில்லை. கண்ணுக்கு முன் விரிந்த கடலை நாள்முழுதும் பார்த்துக்கொண்டே இருக்கலாம் என்பதே உண்மை. அந்த கடலில் ஒர் அலை எழும்பி, அடங்க மற்றோர் அலை தொடர என வந்துகொண்டே இருக்கும். இப்பொது கவனித்தால், அந்த கடல்தான் அலையாக வந்தது, அலை மீண்டும் கடலாகப் போனது. அதாவது அடங்கியது என்ற உண்மை தெரியவரும்.

அதுபோலவே மனிதனின் மனமும் அலை அலையாக எழுந்து அடங்குவதாகும். இதை விஞ்ஞானபூர்வமாகவும் நிருபித்து இருக்கிறார்கள். இங்கே கடலலைக்கு கடலே மூலமாக இருக்கிறது. மனதிற்கு மூலமாக இருப்பது எது என்றால் அது நிலை என்கிற மெய்ப்பொருளாம். அதுதான் தெய்வம் என்று வேதாத்திரி மகரிசி குறிப்பிடுகின்றார்.

“அலையலையாய் இயங்கும் மனதடித்தளமே நிலைபொருள்
அதுதெய்வம், கடல்போன்று அலைபோன்றதே மனம்” 

என்று ஓர் கவியில் சொல்லுகிறார்.

எளிமையாக உதாரணம் காட்டிவிட்டலும்கூட, மனமும், அதன் நிலையும் உணர்தல் சாதாரணமான மனிதர்களுக்கு எளிதல்ல. ஆனாலும் எவரும் எளிதாக தவத்தால், அதன் அனுபவத்தால், அறிவால் உணர்ந்து அறிந்து கொள்ளமுடியும். எனவே மனதை அறிய ஆர்வம் கொள்வீர், வேதாத்திரியம் வாரீர், இணைந்து கொள்வீர், உணர்ந்து கொள்வீர் என்று இந்தக்கவிதை, மனம் குறித்த உண்மை அறிவித்து, அதை அறியவும் அழைப்பதாக விளக்கம் தருகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: