We know the significance of the movement of the mind!

 மனதின் அலைஇயக்கத்தின் சிறப்பு அறிவோம்!

மனம்செயல்படும் விதம்வானொலி தொலைகாட்சிபோல!

எத்தனையோ நிலையங்கள் வானேற்றும் ஒலிஒளியலையை

ஏற்றுவிரித்து ஒலிஒளித்துக்காட்டும் நம்விருப்பம் கொண்டு!

கூடவே வாழ்மக்கள் சிந்தனையும் ஏற்றுநம்மிடம் திருப்பும்!

வாழ்ந்துமறைந்த எவர்நினைவும் அவர்ச்சிந்தனை தந்திடும்!

ஏற்பாகயிருந்தால் செயலாகும் இல்லையேல் கடந்துபோகும்!

இதனாலே சிந்தனையில் விழிப்புணர்வு இல்லையானால்

மயக்கத்தில் ஏற்றியாற்றும் செயலெல்லாம் பதிவாகிவருத்தும்!

விளக்கம்:

மனம் தன் அலைகளால் இயங்கிக்கொண்டே இருக்கிறது. மனம் விழித்தால் தான் தூக்கத்தில் இருந்து  நமக்கு விழிப்பும் கிடைக்கிறது.  அப்படியான மனம், அதன் அலைகள் எப்படி செயல்படுகிறது? பார்க்கலாம்.

இந்த உலகில் பல இடங்களில் வானொலி நிலைய ஒலிபரப்புக்கள், தொலைக்காட்சி நிலைய ஒலி ஒளி பரப்புக்கள், வான்குறுங்கோள் தொலைகாட்சி நிகழ்ச்சிகள் கிடைக்கின்றன. ஆனால் வானொலி, தொலைக்காட்சி இவற்றில் எந்த அலைவரிசை எண் தேர்ந்தெடுக்கிறோமோ, அந்த நிலைய ஒலி, ஒளி நமக்கு கிடைக்கும். அதுபோலவே மனமும், ஐம்புலன்கள் வழியாக உணர்வுகளை ஏற்று, அதற்கேற்றப்படி ஒலியாக, காட்சியாக நமக்குத் தருகிறது. பிடித்தால் மகிழ்கிறோம். இல்லையேல் வருத்தமடைகிறோம். இது இயல்பாகும். மேலும் நம் விருப்பபடியும் சில செயல்களை செய்து மகிழலாம், பிற மக்களின் மகிழ்ச்சி, துக்கமும் நம்மை பாதிக்கவும் செய்யும். முக்கியமாக, வாழ்ந்து மறைந்த நபர்களை நினைக்கையில், அவர் உருவம், சிந்தனை இவற்றையும் நமக்குத் தரும்.

இப்படியான நினைவுகளில், அவை நம்மை செயலூக்கம் செய்யவும் தூண்டும். நாம் அதற்கு இடம் கொடுத்தால் நம்மை கருவியாக்கி செயல்படுத்த வைத்துவிடும். நாம் உறுதியாக இருந்தால் அந்நினைவு கடந்துவிடும். இதனால்தான் நம் நம்முடைய சிந்தனையிலும், தூண்டப்படுகின்ற சிந்தனைகளிலும் கவனமாக இருக்க வேண்டியது அவசியம். இல்லையென்றால் ஏதோ ஒரு மயக்கத்தில், தூண்டப்பட்டு தவறான செயல்களை செய்துவிட்டு வருந்த நேரிடும், மேலும் அது கர்மாவாக, வினைப்பதிவாகவும் மாறிவிடும். இந்த வகையில் இந்த மனதின் அலை இயக்கத்தின் சிறப்புக்களை இந்தக்கவிதை நமக்குத் தருகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: