Do we know the thought that arises out of necessity?! annex

தேவையால் எழும் எண்ணம் அறிவோமா?!

கவிதை: இங்கே படிக்கவும்

விளக்கம்:

எண்ணங்கள் குறித்து இதுவரை பொதுவான விளக்கங்களில் இருந்து, இப்பொழுது எந்தெந்த வழிகளில், எண்ணம் எழுகிறது என்று வரிசையாக இந்த கவிவழியாக சிந்திக்கிறோம்.

பொதுவாக, ஒரு மனிதருக்கு எண்ணம் எழுகிறது என்று சொல்லுகிறோம். அந்த நிலை எப்போதிருந்து? என்று கேட்டால், என்றைக்கு நம் சிந்தனையில், ‘நாம் எண்ணுகிறோம்’ என்ற ஒரு விழிப்பு நிலை வரும்பொழுதுதான் அறிகிறோம். அதுவரை ‘என்னவோ தோனிச்சு’ செய்தேன் என்றுதான் சொல்லுவோம். அதுபோலவே குழந்தையாக இருக்கும் பொழுது எண்ணினோமா? என்றால் இல்லை. அதாவது எழும் எண்ணத்தை நாம் அறியவில்லை என்பதே உண்மை.

ஆனால் மூன்று வயதிற்குப்பிறகு,  ‘எனக்கு இதுவேண்டாம், அது’ என்று கேட்கும் பொழுதே ‘தேவை’ என்ற எண்ண நிலை வந்துவிடுகிறது. அதுவரை தாய்தான், தன் குழந்தையின் தேவைகளை நிறைவேற்றி வருகிறாள் என்பதை நாம் அறிந்துகொள்ள வேண்டும். பிறகுதான் தந்தை உதவுகிறார்.நாமும் நம் குழந்தைகளுக்கு அதைத்தான் செய்தும் வருகிறோம்.

வளர்ந்து வரும்பொழுது, தன் பசிக்கு, ஏற்கனவே உணவு சாப்பிட்ட பழக்கத்தால், உணவு தேவை என்று தோன்றுகிறது. நமக்கு சமைக்க தெரிந்தால் சமைத்தும் சாப்பிடுகிறோம். வெப்பம், குளிர் உணர்ந்து நம்மை நாமே காத்துக்கொள்கிறோம். உடலில் நோய் வந்தால், நலம் கருதி மருந்து உட்கொள்கிறோம். இவையும் தேவை எண்ணங்களே ஆகும். நமக்கு பிடித்ததையும், தேவை கருதியும் செயல் செய்வதும், இது கிடைத்தால், இது இருந்தால் நன்றாக இருக்கும் என்ற நினைப்பதும், அதே தேவை எண்ணங்களால் தான் என்ற விளக்கத்தை, இந்தக்கவிதை விளக்கமாக சொல்லுகிறது.

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: