Don't give up the grip of thought! annex

 எண்ணத்தின் பிடி விட்டுவிடாதீர்கள்!

இங்கே: கவிதை படிக்கலாம்!

விளக்கம்:

ஒரு எண்ணம், தனியாக உடனே வந்துவிடுவதில்லை. எண்ணம் என்பது சிந்தனையின் தொடர் ஓட்டமாகும். இந்த சிந்தனை எப்படி எழுகிறது என்று பார்க்கலாம். ஏதேனும் ஒரு நிகழ்வை பார்த்தீர்கள், ஏதேனும் ஒரு செய்தியை படித்தீர்கள், ஏதேனும் ஒரு வார்த்தை, சொற்றொடர் கேட்டீர்கள், அதன்வழியாக இது ஏன்? எப்படி? எவ்வாறு? எதனால்? என்று ஒரு கேள்வி எழும் அல்லவா, அதன் வழியாக பயணிப்பதே சிந்தனை ஆகும். புற உலகில் எழுந்து, தன்னுள்ளே எழும் தாக்கமே சிந்தனை என்பதாக அறியலாம்.

அந்த சிந்தனையை பற்றிக்கொண்டு அதன் ஊடாக விரிகிறது அல்லவா அதுவே எண்ணம். அப்படியான எண்ணம் முதலில் மலராக இருக்கும், பிறகு மலர் கொத்தாக இருக்கும், பிறகு மலர்கள் இணைத்துக் கட்டிய மாலையாகவும் வளரும். கூடவே அந்த மாலையோடு கிளையாகவும் படர்ந்து எங்கெங்கோ ஓடியும் நிறையும்.

அப்படியான எண்ணத்தை ஓரிடத்தில் நிலைக்க முடியுமா? முடியும் ஆனால் அது தவத்தால் அன்றிவேறு வழியில்லை. தவமன்றி ஏதோ ஒரு சில நொடியாவது நிலைக்க வைக்கலாமா? என்றால் அதற்கும் ஒரு வழி இருக்கிறது. அதற்கு மனமொத்த ஈடுபாடு வேண்டும். ஒரு இசையை கண்மூடி ரசிக்கும்பொழுது அப்படி நிகழ வாய்ப்பு இருக்கிறது. எண்ணம் என்பதிற்கு அலைவதே அதன் போக்கு ஆகும். அதனால் எண்ண எண்ணுகிறோம் என்பதில் விழிப்புணர்வு வேண்டும். அதன் பிடியை நழுவவிடக் கூடாது என்பதாக இந்தக்கவிதை நமக்கு விளக்கம் அளிக்கிறது!

குறிப்பு: எண்ணத்தை நிறுத்த முடியாது ஆனால் நிலைக்க வைக்க முடியும்!

வாழ்க வளமுடன்!

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: