How will the thought work if it is immersed in desire? annex

விருப்பத்தில் ஆழ்ந்தால் எண்ணம் எப்படி செயல்படும்?

கவிதை: இங்கே படிக்கவும்

விளக்கம்:

ஒரு விருப்பம் என்பது எப்படி எண்ணத்தின் வழியாக செயல்பட்டு, விளைவாக மலரும் என்பதை இந்தக்கவிதை சொல்லுகிறது! ஒரு விதையை கைவைத்துக்கொண்டு விளையுமா என்று நாம் சொல்ல முடியுமா? இந்த விதை முளைத்தே தீரும் என்று விதைத்தால் அது நம் நம்பிக்கையை செயல்படுத்தித்தர முடியுமா? சரி, உங்களுடைய அடிப்படை தகுதி, சூழ்நிலை, உறுதி, ஒழுங்கு எவை எதையுமே ஆராயாமல், இந்த எண்ணத்தால் எனக்கு ‘இவ்வளவு பொருளும், பணமும்’ வேண்டும் என்று நம்பிக்கையோடு எண்ணங்களை பரப்புவது சரியாகுமா?

ஒரு எண்ணம் எழுவதற்கு முந்தைய நிலை என்ன தெரியுமா? அது ஓர்மை, எக்கருத்திலும் தனித்து நின்றிடாத நிலைத்தன்மை என்பதாகும். விருப்பம் என்ற இடத்திலும், அத்தகைய நிலைதான் இருக்கிறது என்பதை நாம் அறியமுடிகிறது. கிடைத்தாலும் சரி, கிடைக்காமல் போனாலும் சரி. கிடைத்தால் இன்பத்தில் மூழ்குவதில்லை, கிடைக்காவிட்டால் துன்பத்தில் கலங்குவதும் இல்லை. அந்த சூழலைக் கடந்து அடுத்த நிலைக்கு, எந்தவித ஆறுதலும் இன்றி சுலபமாக நகரமுடியும். இந்த இரு நிகழ்வுகளையும் நாமே வேடிக்கையாகவும் உணரமுடியும். இதை பழக்கமாகிக் கொண்டால், வெட்டும் இல்லை உறவும் இல்லை என்ற நிலையில் நிற்கவும் இயல்பாகிவிடும். 

ஒரு விதைக்கு எந்த ஒரு எண்ணமும் இருப்பதில்லை, ஆனால் அது விருப்பம் கொண்டிருக்கிறது. எப்படி?‘தகுந்த நீர், மண், காற்று, வெப்பம் இருந்தால் போதுமே!’ என்ற அளவில். அதுபோலவே மனிதனும், ஏற்கனவே சொன்ன, அடிப்படை தகுதி, சூழ்நிலை, உறுதி, ஒழுங்கு இவை கொண்டு எனக்கு, இந்த அளவு பொருள், செல்வம் கிடைத்தால் நன்றாக இருக்கும் என்று விருப்பம் கொள்ளலாமே?! என்ற சிந்தனையை இந்தக்கவிதை நமக்கு விளக்கமாக தருகிறது!

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: