The Magic and Drama Direct by Thoughts! annex

 எண்ணம் படைக்கும் மாயமென்ன?

கவிதை: இங்கே படிக்கவும்

விளக்கம்:

எப்போதுமே மனதில் எண்ண அலைகள் வந்துகொண்டே இருப்பதை நாம் உணர்கிறோம். எந்த வேலையும் இன்றி, சும்மா இருந்தாலும், சாப்பிட்டாலும், நடந்தாலும், அமர்ந்தாலும், படுத்தாலும் எண்ணங்கள் நம்மை ஆட்கொள்வதை நிறுத்துவதில்லை. தானாக வரவில்லை என்றாலும் நாமாக ஏதேனும் நினைத்துக் கொள்வதும் உண்டு. தவத்தில் உட்கார்ந்தாலோ இன்னும் அதிகமாக எண்ணங்கள் எழுவதை நாம் உணரலாம். 

அப்படியான எண்ணங்கள் நமக்குள் எழுவதை, நாம் உணர்வதற்கு ஒரு காலம் வரை காத்திருக்க வேண்டியிருந்தோம். எப்படி? உங்கள் கடந்தகாலத்தில் வயது மூன்றுக்கு முன்பு என்ன நிகழ்ந்தது என்பதை நீங்கள் நினைவுகூற முடிவதில்லை. ஏதேனும் ஒளிப்படங்களை பார்த்தோ, உங்கள் தாய் தந்தை உறவுகள் சொல்வதை வைத்தோதான் தெரிந்து கொள்வீர்கள். ஏன்?

அந்த மூன்று வயதுவரை, மூளை கட்டப்படவில்லை. மூளை முழுமையாகிவிட்டது என்றால்தான், நாம் நினைப்பது, பார்ப்பது, கேட்பது, உணர்வது, சுவைப்பது, நுகர்ந்தது எல்லாமே பதியத்துவங்குகிறது. பிறகு தானாகவும், நாம் நினைத்தாலும் எண்ணமாக வருகிறது. அது நமக்குள் தன்னியல்பாக அமைந்திடும் மாய உலகம் என்றும் சொல்லலாம். தினம் தினம் புதிது புதிதாக எண்ணங்கள் எழும். சில கனவிலும், நம்மை சூழ்ந்திடும். கனவுகள் நம் எண்ணங்களின் மிச்சத்தாலும், கற்பனையாலும், எதிர்பார்ப்பாலும் அடிமனதிலிருந்து எழுவதே ஆகும். குறிப்பாக சொன்னால் நீங்கள் பார்க்கும் நாடகம் போல, நீங்கள் அதை பார்க்கவும் முடியும், அதில் நடிக்கவும் முடியும். இத்தனை எண்ணங்களும் ஓர் நாள் நின்று மறைந்து விடும், எப்போது? நம் இறப்பில்!

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: