What's the way to fulfill what you wanted to do?! annex

எண்ணியது எண்ணியபடி நிறைவேற என்னதான் வழி?!

கவிதை: இங்கே படிக்கவும்

விளக்கம்:

கடந்த கவி சொன்ன விளக்கத்தால், கலங்கிப் போன மனிதருக்கு ஆறுதல் தர இந்தக் கவி பிறந்திருக்கிறது எனலாம்! ஆனால், ஒன்றை புரிந்து கொள்ளுங்கள். உண்மை பெரும்பாலும் கசக்கவே செய்யும். கொஞ்சம் இனிப்பை மேலாக தடவிக்கொள்ள வேண்டியதுதான்!

1) அண்டத்தில் உள்ளதே பிண்டத்திலும் 2) நீயே பிரபஞ்சம் 3) மனமே அற்புதம் 4) எண்ணமாக இருப்பது நீயே 5) எல்லாம் நீயே 6) எண்ணமே எல்லாம், அது உனக்காக வேலை செய்யும் 7) எண்ணத்தால் மனித மனதை ஒன்றிணைக்கலாம் 8) நினைத்ததெல்லாம் நிறைவேறும் 9) உன் வேண்டுகோளை நிறைவேற்ற பிரபஞ்சம் காத்திருக்கிறது 10) உன் கனவுகளை நிறைவேற்ற பிரபஞ்சம் துணை நிற்கும், மேலும் மேலும்... 

இப்படியாக என்னதான் சொன்னாலும், பேராற்றலின், பேரறறிவின் ஆற்றலையும், நீதியையும், ஒழுங்கமைப்பையும் எளிதாக. மனிதன், மனித மனம் எட்டிப்பிடிக்க முடியுமா? சரி தவம் இயற்றுவதன் வழியாக, தன்னை உணர்ந்து, அதுவாகவே மாறிவிட்டாலும் அங்கே, கேட்டுப் பெற எதுவுமே இல்லை என்றாகிவிடுமே?! இதென்ன வம்பா போயிருச்சே, வேறே வழியே இல்லையா? என்கிறீர்களா?  வழி உண்டுதான்! எப்படி?

முதலாவதாக, உங்கள் எண்ணம் உங்களுக்கும், உங்கள் வாழ்வுக்கும், வாழ்வு நிலைக்கும் பொருத்தமானதாக இருக்க வேண்டும். அந்த எண்ணத்தில் உறுதியும், ஒழுங்கும் இருக்க வேண்டியதும் அவசியம்! மிகமுக்கியமாக, கேட்டவுடனே கிடைத்துவிடும் என்று எதிர்பார்க்கவும் கூடாது. வரிசைப்படி இதற்கு முன் என்ன நீங்கள் கேட்டீர்களோ, என்ன உங்களுக்கென்று வரவேண்டுமோ, எது காத்திருக்கிறதோ அதுவெல்லாம், ஒவ்வொன்றாக வந்துசேர்ந்த பிறகுதான், இப்பொழுது கேட்டது கிடைக்கும்! அதனால் வாழ்நாளில், எதிர்பாராது ‘காத்திருப்பதுதான்’ சிறந்தது. மிக முக்கியமான உண்மையை சொல்லவா? கேட்பதை விட, எண்ணி அழுத்தம் கொடுப்பதை விட ‘விரும்புக’ என்று இந்தக்கவி விளக்கம் அளிக்கிறது.

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: