You will think that it is good in thought! annex

எண்ணத்தில் நன்மை தரதக்கது எண்ணுவீர்!

கவிதை: இங்கே படிக்கவும்

விளக்கம்:

தீதும் நன்றும் பிறர் தர வாரா! என்பது மூத்தோர் மொழியாகும். அந்த உண்மையை நம்மில் பலர் உணர்ந்திருப்பார்கள் எனினும், மேலும் அதை விளக்கிச் சொல்வது நல்லதுதானே. அந்த வகையில்தான் இந்தக்கவிதை, நன்மை தரதக்கதே எண்ணுவீர் என்ற தலைப்பில் பிறக்கிறது!

நமக்குள் எழுகின்ற ஒரு எண்ணம், நல்லதா, கெட்டதா, எப்படியான விளைவைத் தரும் என்ற ஆராய்ச்சியும் விழிப்புணர்வும் இல்லையென்றால், அது சொல்லாகி, செயலாகி விளைவாக நின்றால், அது உங்களுக்கு நீங்களே தோண்டிக்கொண்ட புதைகுழி போலாகிவிடும். உங்கள் வாழ்வை சிதைத்துவிடும். பெரும்பாலான மனிதர்கள், இவரை கெடுத்துவிட வேண்டும் என்று அவரும், அவரைக் கெடுத்துவிட வேண்டும் என்று இவரும் எண்ணிக் கொண்டிருப்பார்கள். உன்னிடம் இருப்பதுதான் எனக்கு வேண்டும் என்று அதை எப்படியாவது பறித்துவிடவும் முயற்சிப்பார்கள். உன் தகுதிக்கு இதெல்லாம் தேவையா? அது என்னிடமல்லவா இருக்க வேண்டும்? என்று நினைத்தும், எதிர்பார்த்தும் காலை வாரிட காத்திருப்பார்கள். இந்த நிலை வேண்டவே வேண்டாம்.

விருப்பமில்லாமல் ஒரு பொருளை பறித்தால், பெற்றுக்கொண்டால், அந்த நபரின் வருத்த அலைகள் உங்களை பாதிக்கும் என்பதை அறிக! நிச்சயமாக அந்த வருத்த அலைகள், இன்றைக்கோ, இனிமேலோ, என்றாவது ஒருநாளில் உங்களுக்கு துன்பத்தை அளித்திடும். ஆசான் திருவள்ளுவர், (குறள் 282)

உள்ளத்தால் உள்ளலும் தீதே பிறன்பொருளைக்

கள்ளத்தால் கள்வேம் எனல்

என்று சொல்லுவதை நினைவு கூர்க, என்பதாக இந்தக்கவிதை நமக்கு விளக்கம் தருகிறது.

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: