The Thoughts makes a great AI World. annex

மெய்நிகர் உலகம் கட்டும் எண்ணத்தின் சக்தி!

கவிதை: இங்கே படிக்கவும்

விளக்கம்:

நாம் வாழும் இவ்வுலகம், விஞ்ஞானத்தில் மிக உச்ச நிலைக்கு வந்துவிட்டது என்று கருதலாம். நாடுகளால், மொழிகளால் பிரிந்திருந்த மக்கள் ஓர் உலகமாக மாறிவிட்டதற்கு நிறைய சான்றுகளை சொல்லமுடியும். அதை நாம் அனுபவமாகவும் பெறுகிறோம். கையிலிருக்கும் கைபேசி போதுமே?! அந்த விஞ்ஞானத்தில் இன்று மெய்நிகர் (Virtual Reality) உலகம் மலர்ந்துவிட்டது. நமக்கு பதிலாக நம்மைப்போல ஒருவர், செயல்படுவதையும் நாம் காணமுடிகிறது. இடம்விட்டு இடம் நகராமல், எங்கும் நாம் பயணம் செய்து, அந்த அனுபவத்தையும் நிஜம் போலவே உணர முடிகிறது. சமீபகாலமாக, செயற்கை நுண்ணறிவு  (Artificial Intelligence)மனித மூளைக்கு சிறிது ஓய்வளிக்க வந்துவிட்டது எனலாம். இவையெல்லாவற்றையும் முன்பே காட்சியாக, எண்ணமாக, விஞ்ஞானிகளுக்கு தோன்றி இருக்கும் என்பது உண்மைதானே? அதன் வழியாகத்தானே இந்த முன்னேற்றம் என்பதை, அவர்களோ, நாமோ மறுக்க இயலுமா?

ஆம், விஞ்ஞானிகளுக்கு மட்டுமல்ல, நமக்கும் இப்படியான மெய்நிகர் அற்புதங்களை எண்ணம் நடத்துகிறது. உண்மைபோல நிகழ்த்திக்காட்டும் மாயாஜாலம் எனலாம்.  இது எப்படி நிகழ்கிறது என்று பார்த்தோமானால், உங்களுடைய வாழ்வில் இங்கே எதேனும் நினைப்பீர்கள், உடனே வேறு எதோ ஊரில் இருந்ததையும் நினைப்பீர்கள். நேற்றைய நிகழ்வும் ஞாபகம் வரும், என்றோ சிறு வயதில் நடந்ததும் ஞாபகம் வரும், நாளை நிகழப்போவதும் சிந்தனையில் வருமே!

இந்தியாவில் இருந்துகொண்டே, அமெரிக்கா நயகரா நீர்வீழ்ச்சியை காட்சியாக காணமுடிகிறது. பூமியில் இருந்துகொண்டே சந்திரனில் மிதந்து நடக்கவும் முடிகிறதே! நேற்று இறந்துபோனவர், உங்கள் நினைவில் வந்து நிற்கிறாரே எப்படி? இன்று உங்களை சந்தித்த நண்பரும் வந்து நிற்கிறாரே! நேற்றும் இன்றும் எப்படி ஒன்றானது?! கைக்கு எட்டாத பொருளை பார்க்கிறீர்கள், இன்றா, நேற்றா, நாளையா என்று யூகித்து அறியாத காட்சியை, நபர்களை காண்கிறீர்கள்.

மெய்நிகர் உலகமும், செயற்கை நுண்ணறிவும் சிறு தூசாகப்போகும் எண்ணத்தின் சக்தியை நீங்கள் உணர்ந்து கொள்ள முடிகிறதா? என்ற கேள்விச் சிந்தனையோடு, எண்ணத்தின் சக்தி குறித்து இந்தக்கவிதை நமக்கு விளக்கம் அளிக்கிறது!

வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: