A disoriented journey in your life!

திசைமாறிய பயணம்

🔎 Click the image and read it as big size

விளக்கம்:

இந்த உலகில் பொருள் என்றால் அப்படியே இருக்கக்கூடியது என்றுதான், காலம்காலமாக நினைத்துக்கொண்டு இருக்கிறோம். ஆனால் அது தவறான புரிதல் ஆகும். பணம், செல்வம் என்பதை எல்லாம் பொருள் என்று கூறுகிறோம். அந்த பணமும், செல்வமும் ஓரிடத்தில் நிலைத்திருக்கிறதா? அல்லது நிலைத்து இருந்ததா? என்றால் என்ன பதிலாக சொல்லுவீர்கள்? நேற்று யாரிடமோ இருந்தது, இப்பொழுது உங்களிடம். இனி ஏதேனும் ஒரு காலத்தில் இன்னொருவருக்கும் போய்ச்சேரும் அல்லவா? எனவே அது பொருள் அல்ல, நிகழ்ச்சி என்று அர்த்தமாகிறது. 

அப்படியானால் பொருள் என்பது என்ன? அதாவது உண்மையான பொருள் என்பது என்ன? என்று கேட்டால், இறை / தெய்வீகம் என்பதே ஆகும். ஆனாலும் நமக்கு தெளிவாக புரியவேண்டும் என்பதால் ‘மெய்ப்பொருள்’என்று மூத்தோர் அழைக்கிறார்கள். இந்தக்கருத்தை குருமகான் வேதாத்திரி மகரிஷியும் தெளிவாக விளக்கியுள்ளார் என்பதையும் அறிக!

இந்த கவிதை, மெய்ப்பொருளுக்கும், பொய்யான பொருளுக்கும் நாம் தந்திருக்கிற மதிப்பை சுட்டிக்காட்டுகிறது. மெய்ப்பொருளாகவும், உண்மைப்பொருளாகவும் இறை இருக்கிறது. ஆனால் மனிதன் அதை மறந்துவிட்டான். பொய்ப்பொருளாக, பணத்தை தனக்குத்தானே படைத்துக்கொண்டான். அந்த பணத்திற்கு ஒரு மதிப்பைக் கொடுத்து, இறையையே விலைபேசும் அளவிற்கு தடுமாறிவிட்டான். பணம் அவனிடம் இல்லையென்றால், ‘நீ கொடு’ என்று இறையிடமே கேட்கிறான். மேலும் இறைவனுக்கான மதிப்பையும் ‘காசே கடவுள்’ என்று அதற்கு கொடுத்தும் விட்டான். இதனால் அவனுடைய மனித தன்மையும் விலைபோயிற்று எனலாம்!

மேலும் பிரபஞ்சத்திடம் கேளுங்கள், அது கொடுக்கும் என்ற அளவிற்கு இறங்கிவிட்டோமே!

இந்தவகையில், மனிதன் எண்ணத்தில், சிந்தனையில் பணத்தின்மேலாக சிக்கி விட்டான். பணம் என்பதை குறிக்கோளாக கொண்டு, இறையை இடமகற்றிவிட்டோம் என்றால் மிகையில்லை. எப்படியாவது பணம் வேண்டும் என்று பயணிக்கிறோம், ஆனால் எதிர் திசையில் என்பதே உண்மையாகிறது! இதற்கு நாம் சொல்லும் காரணம், ‘பொருளில்லார்க்கு இவ்வுலகமில்லை’ என்பதாகும்! 

உலகில், நாம் வாழும் வரையில் பணம் வேண்டும். அதை தேடுதலும் ஓர் கடமைதான். அதை யாருமே வேண்டாம் என்று சொல்லுவதில்லை. ஆனால் அளவு முறை மீறி, இன்னும் வேண்டும், இன்னும் வேண்டும் என்று போய்க்கொண்டே இருப்பது, மனிதனின் பிறவி நோக்கத்தை சிதைக்கிறது என்பதை அறிந்துகொள்க.

வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: