Bond with Scenic Illusion

Sugumarje June 24, 2021

காட்சிப்பிழையுடன் தொடர்பு

நாம் கைகளை குவித்து

அள்ளிப் பருகிய ஆற்றுநீர்

கிழக்கே சென்று விட்டது.

மரக்கிளையில் அமர்ந்து கூவிய

குயிலும் எங்கோ பறந்துவிட்டது.

சூரியனை மறைத்த கருமேகமும்

இப்போது கலைந்து விட்டது.

காலில்கிடந்து நடந்தநம் நிழல்

நீண்டு பரந்து நீளமுயற்சிக்கிறது

நானும் நீயும் இப்பொழுது

கடந்த பொழுதினில் நிற்கிறோம்.

பாரதி அன்று சொன்ன

காட்சிப் பிழையில் தங்கிவிட்டோம்.

விளக்கம்: எளிய வார்த்தைகளில் இருப்பதால் தனியான விளக்கம் தேவையில்லை.

--------