Pierced Clay Pot Vs Human

 துளைபட்ட மண்பானையும் - மனிதனும்

நீர் தாங்கும் பானையில்

ஓர்துளை இருந்தால் நில்லாது

எத்தனைதான் வாரி இறைத்தாலும்.

உயிர் தாங்கும் உடலினிலோ

ஐந்துளை இருந்தால் தாங்குமோ?

எத்துளை அடைக்கும் உபாயமுண்டு

ஆறாம் அறிவான மனம்கொண்டு!

ஆனால் இங்கே நடப்பதென்னவோ

மனமும் அங்கே துளைவழிபோகிறதே!

கற்கத் துணிவாய் மனவளக்கலை

காலம் உண்டுஇனி மகிழ்வாய்வாழ.

துளை எல்லாம் ஆக்கினையிலடைத்து,

தலை உச்சியாம் துரியம்நிலைத்து,

மனம் கடந்தும் நிறைந்துநிலைக்க

அறிவாய் இறையே நிற்கக்காண்பாய்!

விளக்கம்:
இந்த மனித வாழ்க்கையில், நாம் நமது, ஐந்து புலன்கள் வழியாகவே சக்தியை செலவழித்து வருகிறோம். கூடவே மனதையும் அதன் வழியாக செலுத்தி, நம் குணத்தையே மாற்றி அல்லல் படுகிறோம். பல வழிகளில் சிக்கி அதிலிருந்து மீளமுடியாமல் தவிக்கிறோம்.

ஆனால், குண்டலினி தீட்சைபெற்று, தவம் கற்றுத்தேர்ந்தால், முதலில் ஆக்கினை சக்கரத்தில், ஐந்து புலன்களில் இருந்தும் விழிப்பு நிலை பெறுகிறோம். அவற்றின் உபயோகத்தில் அளவு, முறை அறிந்து செயலாற்றி, நமக்கு நாமே துன்பம் எழாத விழிப்பு நிலை பெறுகிறோம். இந்த நிலையில் பழகி பழகி, அடுத்ததாக,

துரியத்தில் (சகஸ்ரதார சக்கரம்)  மனம் மூலமாக, அதன் மூலத்தை “உயிரை” கவனிக்கின்றோம். இந்த நிலையில் மனம் ஒன்றி லயித்து, உயிராகவே மாற வழி உண்டாகிறது. தொடர்ந்த முயற்சியில் மனம் விரிந்து நிற்க, தான் யார் என்பதும், இறையே அறிவாக மலர்ந்திருப்பதையும் உணர்ந்து, இந்த மனித வாழ்வின் பிறவிப்பயனை அடைகிறோம். 

வாழ்க வளமுடன்.