Use Bypass to Kundalini Chakra Yoga

 ஞானம் அடைய எளியவழி 

Paranjothi Mahan, Vethathiri Maharishi with His Wife Logamball Amma

தலைநகர் நோக்கிச் செல்ல

ஓர்வழி பாதைதான் அந்நாளில்

பயணிக்க  ஆகும் நெடுங்காலம்

காலநேரம் நன்மைவசதி பலன்கருதி

புறவழிச் சாலையில் எளியபயணம்!

NH 7 and NH 44

அதுபோல குண்டலினி யோகத்திலும்

எளியபாதை அமைத்தனர் மகான்கள்.

தொட்டுத்தரும் சூடுஆறாத ஆக்கினை

மூலாதாரம் முதல்கடந்த ஆறாதாரம்!

இனிகடக்க ஒன்றேதான் துரியமாகும்.

Kundalini 7 Chakras

இல்லைஎன் பயணம் ஓர்பாதையே

பொய்யே புறவழி என்பதெல்லாம்.

புறவழியாய் போய் சேர்ந்தால்

தாங்காது புலன்கள் எல்லாம்!

உடனடியாய் ஆக்கினைக்கு உனக்கு

இப்போது என்ன அவசரம்?

முதலாய் உன்னிடம் இருப்பதெல்லாம்

பறித்த பிறகே அதுஎல்லாம்!

இப்படியெல்லாம் திரிவார் நவீனகுரு. 

காத்திருந்த அன்பெரெல்லாம் போகவோ?

சீச்சீ இப்பழம் புளிக்குமென்று?

காலம் கடந்த ஞானமென்றும்

தேவையோ? இப்பிறவியில் கிடைக்குமே!

விளக்கம்: 

அக்கால முனிவர்கள், ரிஷிகள் கடைபிடித்து வந்த குண்டலினி யோக முறைக்கும், சித்தர்கள் யோக முறைக்கும் சில வித்தியாசங்கள் உண்டு. சித்தர்கள் தங்கள் ஆராய்ச்சியில் காலத்துக்கு ஏற்றபடி மாற்றங்களை முறைப்படுத்தினர். 

அந்தவழியில்,.ஏற்கனவே உண்மை உணர்ந்தவர், தன்னுடைய சக்தியினாலேயே, இன்னொருவருக்கு எளிய வழியில், தீட்சை கொடுத்து அவரை பிறவிப்பயன் அடையச்செய்ய வழி உண்டு என்பதை கண்டுகொண்டு அதன்படி குண்டலினி தீட்சை அளித்தனர்.

அந்த வழியில் உலகு கிடைத்தவர் ஞானவள்ளல் பரஞ்சோதி மகான் அவர்கள். இந்த மகானிடம் தொட்டுத்தரும் தீட்சை முறை கற்றுக்கொண்ட வழியிலே, வேதாத்திரி மகரிசி அவர்களும் இவ்வுலகுக்கு, தொட்டுத்தரும் தீட்சை முறையை தந்தார். கூடுதலாக தன் ஆராய்ச்சியின் வாயிலாக, துரியம் மட்டுமே சமாதி நிலை என்ற நிலையை மாற்றி, துரியாதீதம் எனும் தவ முறையும் உலகுக்கு தந்தார்.

இப்பிறவியின் காலத்திலேயே, நான் யார் என்பதும், இறையுணர்வு பெறவும்  வழி இருக்கையில், ஏன் அக்கால முறைப்படி காலத்தை வீண் செய்ய செய்யவேண்டும்? என்று இக்கவி பொருளுணர்த்துகிறது. 

வாழ்க வளமுடன்.