It is Boon for You

உங்களுக்கு மட்டுமே கிடைத்த வரம்!

உலகம் மக்கள் அனைவரும்

இன்பம் தேடியே செல்கையில்

மாறாக வேறுஒரு பாதையில்

யோகம் கற்றல் ஏதுமிழப்போ?

என்றே எண்ணியே கலங்கிடாதீர்

இவ்வரம் கிடைக்காத அவர்கள்

பிறகோ மறுபிறப்பிலோ வருவார்.

வரமே உங்களுக்கு இப்பிறப்பில்

முழுமை அடைந்து இறையுணர,

வீடுபேறு மகிழ்ந்து இன்பமுறுக!

விளக்கம்:

இந்த உலகில் வேறு யாருக்குமே கிடைக்காத வாய்ப்பு, யோகத்தில் இணைத்துக் கொண்ட உங்களுக்கு கிடைத்திருக்கிறது. உங்களைச் சுற்றியுள்ள எல்லோரும் இன்பத்தை தேடிப்பெற்று இன்பமாக வாழ்கிறோம் என்று சொல்லுகிறார்கள். ஆனால் அது நிலைத்த இன்பமா? தினம் தினம் தேடிப்போகும் இன்பமாக இருக்கிறதே?

இன்பமென்றால் நிலையாக இருக்க வேண்டாமா? அத்தகைய நிலைத்த இன்பம், யோகத்தால் உங்களுக்கு கிடைக்கிறது அல்லது கிடைக்க இருக்கிறது. எனவே இந்த உலகில் எதையோ இழக்கிறோம் என்ற கவலை அறவே தேவையில்லை. அவர்கள் பெறாத வரமாக, நீங்கள் யோகத்தில் உங்களை இணைத்துக்கொண்டீர்கள். அதுவே சிறப்பு. பிறவிப்பயன் பெறுகிறீர்கள். அவர்கள் தாமதமாக வரலாம் அல்லது மறுபிறப்பில், அதாவது அவர்கள் குழந்தைகள், பேரன் பேத்திகள் மூலமாக வரலாம்.

அது அவர்கள் பிரச்சனை, எனவே நீங்கள் உங்களை தவத்தால் உயர்த்தி, இறை உணர்ந்து, நிலைத்த இன்பத்தோடு வாழ்க என்று இந்தக்கவி தெளிவுபடுத்துகிறது

வாழ்க வளமுடன்.

-----