Train Your Body

உங்கள் உடலை பழக்குக!

உடல் சொல்வதை நீகேட்பது

ஏற்பல்ல அதற்கு முன்பே,

நீசொல்வதை உடல் கேட்கப்பழக்கிடு.

நீவிழிக்கும் முன்பே அழுத்தம்

வாசனை சுவைஒலி ஒளிபழகும்,

என்றாலும் விழித்தபின் அறிவாய்

உடலே உணர்த்தும் மிகைகுறை!

விழிப்பாய் இருந்து அளவுமுறை

காத்துவாழ உடலே உனக்கடிமையாம்!

விளக்கம்:

இந்த உடல் நமக்கு வாழும் வரை சொந்தமானது. உடல் நலம் பொருத்தே நாம் வாழும் காலம் நீடிக்கும். இதில் நமக்கு ஒத்துழைக்காத உடல் வேறு பாடாக படுத்துகிறது அல்லவா? காரணம் என்ன? உடலை அதன் போக்கில் போக விட்டுவிட்டோம். அதை எப்படி நெறிப்படுத்துவது? மகான் வேதாத்திரி மகரிசி, தன் நாற்பது ஆண்டுக்கால ஆராய்ச்சியில் கண்ட, தெளிவான, மனவளக்கலை வளங்கும் எளிய உடற்பயிற்சியே ஆகும்.

பிறந்தது முதல் கற்றறிவு வளரும்வரை, உடல் சொன்னதைத்தான் நாம் கேட்போம். இந்த பழக்கமே நாம் வளர்ந்தபிறகும் தொடருமானால் அதுவே பிரச்சனை ஆகிறது. உடலின் ஐந்து கர்ம உறுப்புக்களையும், ஐந்து ஞான உறுப்புக்களையும் முறையாக, நாமே இயக்கி பழகினால், அல்லது பழக்கினால் மட்டுமே, நம் உடல், நாம் சொல்வதை கேட்கும். இக்கவிதை இந்த உண்மையையே விளக்குகிறது.

வாழ்க வளமுடன்.