What does Meditation to the Mind?

 தவமும் மனமும்

தவம்என்பது என்னஎன்று கேட்டால்

தன்னைஅறியும் வழியென்று கூறுவீர்

தவறில்லை ஓர்வகையில் உண்மை-ஆனால்

தறிகெட்டோடும் மனதை நிறுத்துதல்

தன்னையே தான்கவனிக்க செய்தல்

தன்னைமறந்த புலன்வழி தடுத்தலாம்.

சுழன்றோடும் இராட்டினத்தில் இருப்போர்

சுற்றிநிற்கும் உன்னைஎன்னைக் காணார்

சுழற்சியிலங்கே யானையே நின்றாலும்தெரியா!

சுழல்நின்று இறங்கினாலே அடையாளம்காண்பார்!

சுழற்சிநிற்க பழகுதலே தவமாம் அறிவீர்

விளக்கம்:

மனதை அடக்கு, மனதை நிறுத்து, மனதை அழித்துவிடு, நீ மனமல்ல, நான் மனமல்ல என்றுதான் பொதுவாக சொல்லிக்கொடுக்கிறார்கள். ஆனால் இதெல்லாம் வேலைக்கு ஆகாது. ஆம். நாம் உயிரோடு இருக்கும் கடைசி நொடிவரை மனம் நிற்காது. அதன் இயல்பே அலைவதுதான். கடல் அலையை நிறுத்த முடியுமா? உங்களால்! அதுபோலவே எப்போதும் இயங்கிக்கொண்டே இருக்கத்தான் போகிறது. 

கண்டிப்பாக ஒருநாள் நின்றுவிடும், அது நாம் இறந்தபிறகு!

அதற்குள்ளாக, அலைந்து கொண்டிருக்கும் மனதை அறிய முயற்சிப்போம். அதற்கு குண்டலினி தவம் அல்லது மனவளக்கலையே வழி. தவம் செய்தால், மனம் தன்னையே கவனித்து நிலைத்து நிற்கப்பழகும். அப்போதுதான் இறை உணரும் வழி நமக்கு கிடைக்கும். மனதை மனதால் பழக்கும் வழியே தவம் ஆகும்.

வாழ்க வளமுடன்

------

Thanks to photos: Google and Copyright to it's owners