The cosmic that gives everything!

 எல்லாம் தரும் பிரபஞ்ச சக்தி!

கேட்டால் கிடைக்கும் என்றும்,

நினைத்தால் நடக்கும் என்றும்,

உனக்கான அறிவுரை கிடைக்கும்!

அவ்வளவு எளிதா? பிரபஞ்சசக்தி?!

பெற்றோரே ஆயிரம் யோசனையில்!

நீபெரிதோ இந்தமா பிரபஞ்சத்திற்கு?

கேட்காமல் கொடுத்தது, கொடுக்கும்!

கேட்டுஅதன் இயல்பை கெடுக்காதே! 

விளக்கம்:

கேட்டால் கிடைக்கும், என்று இந்த உலகம் “நேர்மறை சிந்தனை” கொடுத்துக் கொண்டிருகிறது. அளப்பரிய இந்த பிரபஞ்ச சக்தி இதை நடத்தித் தரும். எனவே கேளுங்கள், நினைத்துக் கொள்ளுங்கள் என்று அறிவுரை கொடுக்கப்படுகிறது. ஒரு மனிதன் கேட்ட உடனே, நினைத்த உடனே இந்த பிரபஞ்ச சக்தி கொடுத்துவிடுமா? அவ்வளவு எளியதா? முதலில் உங்கள் பெற்றோரிடம் “நீங்கள் கேட்டதையும், நினைத்ததையும்” பெற முடிகிறதா என்று சிந்தியுங்கள்.

இந்த பிரபஞ்சத்தின் முன்னால், மனிதனின் வேண்டுகோளை எப்படிக்கொள்வது? ஆனால், உன்னை இந்த பிரபஞ்ச சக்தி எப்படியெல்லாம் பாதுகாத்து, அன்னையின் கருப்பையில் வளர்த்து, பிறக்கவைத்தது என்பதை அறிவாயா? நீ கேட்டுத்தான் “இதையெல்லாம்” செய்ததா?

உனக்கு என்ன தேவையோ, வேண்டுமோ அதுகுறித்து, உன்னைவிட, இந்த பிரபஞ்ச சக்திக்கு தெரியும். இயல்பாக கிடைக்கவேண்டியதை, மறுத்து, கேட்டு மடைமாற்றி வருந்துவதில் என்ன பலன்? என்ற உண்மைகளை இந்தக்கவி விளக்குகிறது.

வாழ்க வளமுடன்.

-----

Thanks to Image by: @Literary Hub