The light of perfect life!

வாழ்க்கை ஒளிவிளக்கு!

பாதையில் தெளிவாய் நடக்க

கையிலே நல்விளக்கு இருக்க

தடுமாறி விழுந்தும் திசைமாறி

பயணித்தல் போலவே வாழ்க்கை!

இயற்கை இறைகூடி அறிதல்

நல்விளக்கு என்பதை உணர்வீர்!

கொண்டும் வராதும் போகாத

வாழ்வில் இழக்கஇனி ஏதுமுண்டோ?!

பிறவியின் கடனாய் மூலமறிய

தவத்திலாழ்ந்து தன்னை அறிவோம்!

விளக்கம்:

தவம் கற்க உடனடியாக யாருக்கும் ஆர்வம் எழுவதில்லை. தவம் தனக்கும், தன் வாழ்விற்கும் தேவையில்லை என்றே முடிவுசெய்து விட்டனர். ஒரு இருட்டான பாதையில் நடக்க, கையில் ஒளி விளக்கு இருந்தால் நல்லதே. அதுபோலவே வாழ்வின், பிறவியின் உண்மை அறிய தவம் தேவை என்பதை உணரவேண்டும். அதுதான் பிறவிக்கடமை.

தவம் கற்றால் எதையோ இழந்துவிடுவோம் என்ற பயமும் காரணமாக இருக்கிறது. பிறப்பில் எதும் கொண்டுவந்தோமா? இல்லை. இறப்பில் எதும் கொண்டுபோகிறோமா? இல்லை. அப்படியிருக்க எதை இழக்கபோகிறோம்? இடையான வாழ்வில் கிடைத்த பொருள், செல்வம், வீடு, மக்களையா? எதையுமே இழக்க வழியில்லையே. 

தவம் வாழ்வில் கிடைக்ககூடிய மிகச்சிறந்த வழிகாட்டி, தன்னை யாரென்று அறிந்து, இயற்கை, இறை இவற்றிற்கு இடையே ஆன ஒற்றுமையை அறிந்துகொள்ளும் உண்மை என்பதை இக்கவி விளக்குகிறது.  

-----

Thanks to Image by: Google and its copyrighted owner