The New Day

 புதிய நாளே!

எனக்கு ஞாபகமறதி,

அப்படி இருப்பதில் எனக்கு சோகமில்லை

எப்போதிருந்து என்பதும் எனக்கு மறந்துவிட்டது.

ஆனால் எனக்கு இந்நிலை பிடித்திருக்கிறது!

ஒருவகையில் இது ஒரு வரம்,

என்று நான் நினைக்கிறேன். 

உங்களுக்கு ஏனோ கிடைக்கவில்லை!

இதன்வழியாக என் வலிக்கும், பிரச்சனைக்கும்

தீர்வு கிடைத்து விடுகிறது.

இன்னொன்று மகிழ்ச்சியாக சொல்வேன்,

ஒருபோதும் உங்களைப்போல,

இறந்தகாலத்தில் நான் இல்லை!

விளக்கம்:

சூரியன் கிழக்கே விடியலைத் தருகிறது, முந்தைய இரவு தூங்கி எழும் ஒவ்வொரு நாளும் புதியநாளே! இந்த புதிய நாளிலும், பல புதிய அனுபவங்கள் நமக்கு கிடைக்க இருக்கின்றன. நேற்றைய இரவில், எல்லாமே மறந்து, தன்னையும் மறந்து தூங்கினோம். ஆனால் விடியலில், பழைய நினைவுகளை மறுபடி நம் மூளையிலும், மனதிலும் நிறைத்துக் கொண்டோம். இது முற்றிலும் புதிய நாள் என்பதை நாம் ஏற்றுக்கொள்வதில்லை. நேற்றைய தொடர்ச்சி என்ற நிலையிலேயே இருக்கிறோம்.

சிந்தித்துப்பாருங்கள், உங்களுக்கு ஞாபகமறந்தி இருந்தால், எப்படியான நிம்மதியான வாழ்வை பெற்றிருப்பீர்களென்று?!

-----

Thanks to Image by: Google and it's copyrighted owners