All is Yoga way!

எல்லாம் யோகமே!

பொருள் நிறையிலும் யோகம்வரும்

பொருள் குறையிலும் யோகம்வரும்

வாழ்வு நிறைவிலும் யோகம்வரும்

வாழ்வு குறைவிலும் யோகம்வரும்

சலிப்பு வந்தாலும் யோகம்வரும்

திளைப்பு வந்தாலும் யோகம்வரும்

உயர்ந்து நின்றாலும் யோகம்வரும்

தாழ்ந்து நின்றாலும் யோகம்வரும்

எப்படி இருந்தாலும் அதுயோகமே!

பிறவிக்கடன் தீர்க்கும் வழிதானே!

விளக்கம்:

மனிதன் பிறப்பதின் நோக்கமே வினைபதிவுகளை தீர்க்கவே என்பது நியதி. ஆனால் வாழவே பிறந்தோம் என்றே வாழ்ந்து மடிகிறோம். வினைப்பதிவு (கர்மா) இருக்கிறது என்பதை யாரும் ஏற்றுக் கொள்வதில்லை. இந்த கர்மாவை தீர்க்க, பக்தி மார்க்கம் ஓரளவிற்குத்தான் உதவும். ஒரு ஏணியின் முதல்படி என்று வைத்துக் கொள்ளலாம். அடுத்துவரும் அனைத்து படிகளுக்கும் யோக மார்க்கமே உதவும். அந்த யோக சிந்தனை, ஒரு மனிதனின் வாழ்வில் பல நிலைகளில் எழும்.

எந்த நிலையில் வந்தாலும், உடனே அதற்கான குருவை தேடி சரணடைய வேண்டும். குரு இல்லாமல், யோகம் நிறைவடையாது. அந்த குரு காட்டிய வழியில், அகத்தவத்தால், வினைப்பதிவுகளை நீக்கி தூய்மை அடையலாம். பிறவிக்கடனான வினைப்பதிவினை நீக்க யோகமே சிறந்த வழி என்று இந்தக்கவி விளக்குகிறது

வாழ்க வளமுடன்

-----

Thanks to Image by: Internet source