Be amazed at the sky!

வானம் பார்த்து வியந்து இரு!

ஜோதிடந் தன்னை இகழென்று

பாரதி சொன்னதாக சொல்லுவர்,

வானநூற் பயிற்சிகொள் என்றும்

அவரேதான் சொல்லி உள்ளாரே!

பெருமாற்றல் அலையால் எழும்போது

பாதிப்பும் நிகழ்வும் இயல்பானதே!

தலைவிதியே எனுமெண்ணம் போக்கி,

தடைபுறிந்து விளக்கமாக செயல்படு.

எழுமெண்ணம் சொல்லிடும் கட்டமெதற்கு!

இதோபரிகாரம் எனும்மோசடி விலக்கிடு

கோளோடு என்றும்நட்பு கொண்டிரு!

கண்விரித்து வானம்பார்த்து வியந்திரு!

விளக்கம்:

அக்காலம் முதற்கொண்டு ஜோதிடத்தை நம்புவர்கள் மிக குறைவு. ஜோதிடம் உண்மையா என்ற கேள்விக்கு எளிதான பதில் இதோ! ஒரு விதைக்கு அதன் வளர்ச்சி கட்டமைப்பு உள்ளாக அமைந்திருக்கிறது. மனிதனுக்கும் அப்பட்டியான கட்டமைப்பு உண்டு. அதில் சிலவற்றை, ஜோதிட கட்டம் அமைத்தால் புரிந்துகொள்ள முடியும். ஆனால் அது “தலையெழுத்து அல்ல”. ஒரு விபர குறிப்பு என்று எடுத்துக்கொண்டால் ஜோதிடம் உண்மையே!

ஜோதிடத்தை இகழ் என்று பாரதி சொல்லியிருந்தாலும், வானம் குறித்த ஆய்வு நூல்களை படித்து தெளிய வேண்டும் என்றும் சொல்லியிள்ளார். அலை இயக்கம் என்பதை நாம் புரிந்துகொண்டால், அவ்வலைகளில் ஓவ்வொரு பொருளும், நம் மனமும் பாதிப்பு அடையவே செய்யும். பிரமாண்டமான கோள்களின் அலை வீச்சு அத்தகையது.

ஆனால், தலையெழுத்து என ஜோதிடத்தை நம்பாது, அது தரும் விளக்கம் ஏற்று சிந்தித்து செயல்பட வேண்டும். இன்னும் சொல்லப்போனால் ஆழ்ந்து சிந்தித்தால் எழும் எண்ணமே நம்மை வழி நடத்தும், ஜோதிட கணிப்பே தேவையில்லை என்பதும் உண்மை. இதற்கு பரிகாரம் என்றால் அது மிகப்பெரும் மோசடி வேலையாகும்.

பகலோ, இரவோ, வானத்தை பாருங்கள், கோடானுகோடி கோள்களையும், நட்சத்திரங்களையும் பார்த்து வியந்து அனுபவியுங்கள், அவற்றோடு நட்புகொள்ளுங்கள் என்று இக்கவிதை விளக்கம் அளிக்கிறது. 

வாழ்க வளமுடன்.

-----

Thanks to Image by: Pinterest