Change the tracks

மடை திருப்புக!

மழைபெய்து வழிமாறி ஓடிடும்

ஆற்றுநீர் போலாகும் இளமை!

வெள்ளநீர் ஏதும்பயன் இன்றி

கடலில் சேர்ந்திடும் வீணாய்!

இளமையில் திமிரும் மனதை

இயல்பாய் நல்வழி மாற்றியே

திருப்புதல் பெற்றோர் கடமை!

பக்தியோ யோகமோ ஞானமோ

கூடுதலாய் கற்றல் தவறில்லை!

வீடோஊரோ உலகமே உய்யும். 

பெற்றோரே அஞ்ஞானத்தில் இருக்க,

இயற்கையை பழித்து என்னபயன்?

விளக்கம்:

இளமைக்காலம் என்பது, மிக அற்புதமான நிலை. கொஞ்சம் சோர்வில்லா துடிப்பு, செயலாக்கம், திறமை, சக்தி உள்ளடங்கிய தன்மை. ஆனால், பெரும்பாலான இளைஞர், இளைஞிகளின் போக்கு வீணாகிறது. அப்படியான “பொழுது போக்கு” எங்கும், அந்த சக்தியை எல்லாம் நீர்த்துபோகச் செய்கிறது. சீக்கிரமே நோய்வந்து தாக்கும் நிலைக்கு உடலும், மனமும் சோர்ந்துவிடுகிறது.

தொடர் மழையால், ஆற்றில் வெள்ளம் பெருக்கெடுத்து, வழிமாறி பயணித்து, ஊரை வெள்ளக்காடாக்கி, கடலில் வீணாக சேர்ந்துவிடும். அப்படித்தான் இந்தக்காலத்தில் இளமை வாழ்க்கை.

அவர்களை நல்வழிக்கு நகர்த்துதல் பெற்றோர் கடமை. அவர்களுக்கு பக்தி, யோகம், ஞானம் ஆகியவற்றில் ஏதேனும் ஒன்றை தேர்ந்தெடுக்கச் சொல்லலாம். ஆனால் பெற்றோரே கடவுள் இல்லை, வாழ்க்கை மாயை, பணமே முக்கியம், யோகம் அநாவசியம், அது பொய், இது பொய், சமூகம் பொய்,  என்று “பிறவியின் உண்மை அறியாது” அவர்களுடைய கருத்தை திணித்தால், அவர்கள் குழந்தைகளின் வாழ்வும் கெட்டுவிடும். இந்த சூழலில் இயற்கையை பழித்து என்ன பயன்? என்று இக்கவிதை விளக்கம் தருகிறது.

வாழ்க வளமுடன்.

-----

Present by:

Thanks to Image by: internet source