God is the Effect

இறையே விளைவாக!

செயலை செய்ய எண்ணம்கொண்டு

திட்டம்தீட்டி செய்ய விழைந்தாய்

செயலின் நன்மைதீமை நீஅறிவாய்

விளைவின் நன்மைதீமை ஏன்மறந்தாய்?

விளைவில் நீயேசிக்கிட கூடாதென்று!

செயலுக்கு துணைஆக தெய்வமே

வருவதற்கு வேண்டுதல் செய்கிறாய்!

செயலோ விளைவை தருவதுஉறுதி.

விளைவாய் எழுவதுஅது தெய்வமே!

ஒலிக்கும் முன்னேங்கே பேரமைதி

இருந்ததை உணர்ந்து தெளிவாய்! 

விளக்கம்:

தேவையும், இருப்பும் நிறைந்திருந்தாலும், இன்னமும் வேண்டும் என்பது மனித இயல்பு. அதையும் மீறி ஏதொன்றின் மேல் விருப்பம் கொள்வது, ஆசையினாலும் அதன் தொடர்ச்சியான பேராசையினாலும் மட்டுமே. இதற்காக எண்ணம் கொண்டு, அதை எப்படி அடையலாம் என்று செயல் திட்டம் தீட்டி செயல்பட தயாராகிறோம்.

அந்த செயல் நன்மை தருமா? தீமை தருமா என்பது ஓரளவோ அல்லது தெளிவாகவே புரிந்தாலும் நாம் அதை நிறுத்துவதில்லை. விளைவு குறித்தும் யோசிப்பதில்லை. மேலும், தெய்வத்தின் மேல் “பாரத்தைப்போட்டு” விளைவில் நாம் சிக்க கூடாது என்ற பய உணர்வில் துணைக்கும் அழைக்கிறோம்.

எந்த செயலானாலும் விளைவு நிச்சயம். அது இயற்கை விதி. அதைத்தருவது தெய்வமேதான். எனவே செயலில்தான் கவனம் கொள்ள வேண்டும். ஒலி எழுந்துவிட்டது என்றால், அதற்கு முன் பேரமைதி இருந்தது என்பதை நாம் மறந்துவிட்டோம். அதை சிந்தித்து தெளிக என்ற இக்கவிதை விளக்கமளிக்கிறது.

வாழ்க வளமுடன்.

-----

Present by: