Your family is your World

உன் குடும்பம் உன் உலகம்!

உன்மேல் அக்கறை காட்டுதற்கு

உரிமை உள்ளோர் நீஅறிவாய்.

உன்தாய் தந்தை இருவரோடு

உன்னுடன் பிறந்தோர் ஆவோர்.

உனக்கு உன்னை புரியவைப்போர்,

உனக்கு இவ்வுலகை காட்டுவோர்,

உனக்கு ஓர்உறவைத் தருவோர்,

உனக்கு புறமனிதரை பழக்குவோர்,

உனக்கு ஒழுக்கம் சொல்வோர்

உனக்கு அடிப்படை கல்விதருவோர்

உனக்கு ஆசான் அறிமுகம்செய்வோர்

உண்மையில் இவர்களே மறவாதே!

உள்ளன்போடு மதித்துதிணைந்து வாழாது

உதறினால் உலகவாழ்வு சிறக்காது!

விளக்கம்:

ஒரு குழந்தைக்கு அவள்/அவன் பிறந்த குடும்பமே உலகம். அந்த குடும்ப உறுப்பினர்களான, தாய், தந்தை, சகோதரர், சகோதரி இவர்களே முதன்மையானவர்கள். இவர்கள் மூலமாகவே, தாத்தா, பாட்டி, மாமா, அத்தை, சொந்த பந்தம், உற்றார் உறவினர்கள் அறிமுகம் ஆவார்கள். 

அதுமட்டுமல்லாது, எப்படி பேச வேண்டும், எப்படி பழகவேண்டும் என்பதும், எப்படி நடந்துகொள்ள வேண்டும் என்ற ஒழுக்கமும் கற்றுத்தவார்கள். கல்வி கற்கும் வயது நிறைந்தால், இக்காலத்தில் மூன்று வயதிலேயே “ஆன்லைன் கிளாஸ்” ஆரம்பமாகி விடுகிறது. கல்விக்கான ஆசானை அறிமுகப்படுத்துவர்களும் குடும்ப உறுப்பினர்களே ஆகும். 

இத்தகைய பெருமை தரும் குடும்பத்தவரை, இயற்கையே நமக்கு துணையாக அமைத்துக் கொடுக்கிறது என்ற உண்மை உணர்ந்து கொள்ளவேண்டியது அவசியம். எனவே தாய், தந்தை, சகோதரர், சகோதரி இவர்களை மதித்து, அன்போடு பழகி, விரிந்த மனதோடு நடந்துகொள்ள வேண்டும். ஒருபோதும் அவர்களை மனம் நோக பேசவோ, விலக்கவோ, பழிவாங்கவோ உதாசீனமோ செய்யக்கூடாது. அது நல்லதல்ல, வாழ்வும் சிறப்பிக்காது, உலகமும் துணை நிற்காது என்று இக்கவி விளக்கம் அளிக்கிறது. 

-----

Present by:

Thanks to Image by: sciencenews