Do not be provoked!

 தூண்டப்படாதே!

கற்புனெறி ஆணுக்கும் பெண்ணுக்கும்

பொதுவே ஒருகாலம்வரை காத்திடுக!

வாழ்க்கை கடமையேற்று நடத்துமறிவு

வந்துவிட்டால் ஒருமனதாக இணையலாம்!

சமூகஒப்பம் தேவைஇவருக்கு இவரெனவே!

வரும்வாரிசு யார்பொறுப்பு என்பதற்கும்

கடமைமறந்த இருவரைவழி நடத்துதற்கும்

அதைமீறி உணர்ச்சிவசம் வீழ்தலறிவீனம்

மனமுடல் உயிர்சிதைக்கும் கவனம்தேவை!

விளக்கம்:

பருவம் அதன் தூண்டல், பாலின்ப கவர்ச்சி ஆணுக்கும், பெண்ணுக்கும் பொதுவானது. இயற்கையானது. மனிதர்களாகிய நாம், யாரும் யாரோனும் பாலுறவு கொள்ளலாம் என்ற நிலையில் செயல்பட நாம் மிருகங்களில்லை. அந்த பாலுறவிலே ஒரு ஒழுக்கத்தையும், வரைமுறையும் வைத்திருக்கிறோம்.

குறிப்பிட்ட வயது காத்திருத்தல், ஒருமித்த வயதிற்குள் திருமணம். அதிக வித்தியாசம் கூடாது என்ற நிலையும் இந்த சமூகம் அமைத்திருக்கிறது.

வளர்ந்து, உலக வாழ்க்கை அறிவு வந்துவிட்டால், ஆணுக்கும் பெண்ணுக்கும், சமூகத்தின் முன்னிலையில் திருமணம் நடக்கிறது. ஏன் சமூகம் தேவை? இவர்கள் தம்பதியினர். இருவரும் குடும்பம் என்ற நிலைக்கு முன்னேறுகின்றனர். இதனால் உருவாகும் குழந்தைகளை இவர்களே ஏற்று வளர்த்து சமூக நலன் காப்பார்கள் என்ற அறிவிப்பு இங்கே நடைபெறுகிறது. முக்கியமாக, தம்பதியினருக்கு கருத்துவேறுபாடு, சண்டை, சச்சரவு, பிரச்சனைகள், கொடுமைகள், வாழ்க்கை தர வீழ்ச்சி நடந்தால் அதை சரி செய்யவும் சமுகம் துணையாக, பாதுகாப்பாக நிற்கும்.

இந்த வாய்ப்புக்களை மறுக்கும் வகையில், பால் கவர்ச்சியில் சிக்கி, பொய்யான வாக்குறுதியில் நம்பி, ஆர்வத்தில் ஈடுபட்டு, போலியான காதலில் விழுந்து, கொடுப்போம் எடுப்போம் என்ற பகிர்வு நிலையிலும், உனக்கும் ஆசை எனக்கும் ஆசை என்றும், உடல் இன்பத்தில் சிக்கி, பாலுறவில் வீழ்ந்தால், அந்த ஆண் பெண் ஆகியோரின் உடல், மனம், உயிர் பாதிப்படையும். குழந்தை உருவானால் எதிர்காலம் பாதிக்கும், சமூகம் துணை இருக்காது என்பதை உணர்ந்து கவனமாக கடந்துபோக வேண்டும் என்று இந்தக்கவி பாலுறவு உணர்ச்சித் தூண்டல் குறித்த தெளிவை தருகிறது.

வாழ்க வளமுடன். 

-----

Present by:

Thanks to Image by: Flickr