Don't be upset

 மன வருத்தம் வேண்டாம்.

எத்தனையோ வழிகள் கிடைக்கிறது

நோக்கமோ ஒன்றே இறைஉணர்தல்

பெரும்பிரிவு பக்தியும் யோகமும்

மற்றெல்லாம் அதனின் பிரிவுகளே!

கடினமென்று ஏதும் இல்லவேயில்லை

செய்யென்று தெய்வமும் சொன்னதில்லை

கவனமாக விலகுவீர் ஏமாற்றுக்காரரிடம்

காசுபணம் வீணாக்கி மனம்வருந்தாதீர்

தகுந்தகுரு நோக்கி அகத்தவமறிவீர்

வாழ்நாளுக்குள் இறையுணர வழியதுவே!

விளக்கம்:

இந்த உலகில் வாழும் வாழ்க்கையின் உண்மை, இறை உணர்வதே ஆகும். ஆனால், உலகியல் பொருளாதாரம் சார்ந்த நம் தினப்படி வாழ்க்கை, அதற்கு இடம் கொடுப்பதில்லை. மேலும் இந்த அவசர உலகத்தில் பக்தி வழிபாடே போதுமானதாக இருக்கிறது. தெய்வத்திற்கே, காசு பணம் கொடுத்து அருளைப் பெறவே நாம் தயாராகிறோம். மேலும் பூஜை, யாகம், யாத்திரை, உண்டியல் போடுதல், படையல் சாற்றுதல், புண்ணிய நதி நீராடுதல் ஆகியன நமக்கு சுலபமாக இருக்கிறது.

இதற்கு மாற்றுவழியாக யோகம் உள்ளது. எளிமையாக குருவிடம் தீட்சை பெற்று, அகத்தவம் கற்று, இருந்த இடத்திலேயே தவம் செய்து, அதன் வழியாக தெய்வத்தை உணர்தல் ஆகும். ஆரம்ப நிலையில் இருந்த வாசியோகம் மாதிரியான கடினப் பயிற்சி இப்போது இல்லை என்றாலும் வெகு சிலரே விரும்பி ஏற்கின்றனர்.

எனவே இந்த இரண்டு வழிகளில், உங்கள் தேர்வே முக்கியம். இரண்டிலும் கவனமாக, பொருளையும், பணத்தையும் இழப்பது, ஏமாறுவது சரியல்ல. அப்படியாக மனம் வருந்தாமல், தகுந்த குருவை தேடி, வாழ்நாளுக்குள்ளாக இறையுணர தயாராகுங்கள் என்று இந்தக்கவிதை விளக்கம் அளிக்கிறது.

வாழ்க வளமுடன்

-----

Present by: