Truth through devotion!

 பக்தி வழியாக மூலம்!

எவரும்பக்தி வழியாகவும் மூலமறிய

அக்கால ஞானியர்கள் வழிவைத்தார்

மூலத்தின் தன்மையதை கதையாக

அகவுருவாக சொல்லிப் பதியவைத்தார்.

கல்வியில்லா மனிதருக்கு உருவமைத்தார்

எல்லோரும் கூடிபேசிகருத் துரைத்துணர

கோவில்கட்டி வணக்கமுறை கற்றுத்தந்தார்

கோவில்தேட முடியாதோர்க்கு வீட்டுபூசை!

பின்னாளில் இதிலேயாரோ வாணிபம்செய்ய

மூலத்தை விலக்கிதள்ளி பக்திவியபாரமாச்சு!

விளக்கம்:

இறை உண்மையை, அகத்தவத்தால் முற்றுணர்ந்த சித்தர்கள், ஞானியர்கள் எல்லோருக்கும் விளக்கிச் சொன்னார்கள். எனினும் தன்னிலே தானாகி அறிய வேண்டியதை, வார்த்தையால் விளக்கிச் சொல்ல தோல்வி கண்டனர். ஆனால் யூகித்து அறிந்துகொள்ளும் வழியாக, கல்வியறிவில்லா மக்களுக்கும் சேரும் வழியாக, கதையாக சொன்னார்கள். அதற்கென்று தகுந்த உருவமாகவும் சொல்ல முயன்றார்கள்.

இந்த உருவம் வழியாக, வேண்டி வணங்கியும் அறியலாம் என்று உருவத்தையும் படைத்தார்கள். அதை சிலை வடிவமாக்கி,  எல்லோரும் வணங்கி, கலந்து பேசி உண்மை எதுவென அறியும் பொருட்டு, நாட்டை ஆண்ட அரசர்களின் உதவியால், கோவில் கட்டி வைத்தனர். 

கோவிலுக்கும் வரமுடியாதோர், வீட்டிலேயே, மஞ்சள், அரிசி, பூக்கள், விளக்கு, தீபாராதனை, பூசை செய்யவும் வழி தந்தனர்.

காலப்போக்கில், வியாபர நோக்கோடு சிலர், இந்த இறை உணர்தலிலும், வழிபாடுகளிலும் புகுந்து, உண்மையை திரித்து, இறை தத்துவத்தை மறைத்து, மக்களை பிரித்துவிட்டார்கள். இதனால் இறை உண்மையானது, அத்வைதத்தமாக இருந்தது பிறகு,  துவைதமாகி, விசிஷ்டாத்த்வைதமாகவும் மாறிவிட்டது, என்ற உண்மையை இக்கவிதை விளக்குகிறது.

வாழ்க வளமுடன். 

-----

Present by: