Worship the Nature

 இயற்கையை பனிவோம்!

இயற்கையின் முடிவாய் வந்தாலும்

இயற்கையை மீறும் வலிமையும்

அதைமாற்றி அமைக்கும் திறமையும்

இயற்கையாய் மனிதருக்கு உண்டுதான்

எனினும்மிந்த வழியில் தன்னலம்கூடாது!

தண்டிக்கும் மீறினால் நம்மைசிதறடிக்கும்

வெயிலோ புயல்மழையோ பூகம்பமோ

பனிமழையோ சுனாமியோ அவ்விளைவே!

இயற்கையை பனிந்து ஒருமுகம்கூட்டி

விழிப்போடு விளைவு செயல்நோக்குக!

விளக்கம்:

மனிதன் இயற்கையின் ஓர் அங்கம்தான். இயற்கையே மனிதனாகவும் வந்திருக்கிறது என்றாலும் அது பொருந்தமான விளக்கமே. இயற்கையின் முடிவான ஓர் நிலையும் மனிதனே ஆகும். இதனால்தான், இயற்கையை மீறும் தன்மையும், அதை மாற்றி அமைக்கும் திறமையும் மனிதன் பெற்றிருக்கிறான்.

ஆனாலும், இயற்கை மீறுதலிலும், மாற்றி அமைப்பதிலும் ஓர் எல்லை உண்டு. அது, தன்னலம் கருதாத உயர்ந்த நோக்கம் இருக்க வேண்டியது அவசியம். அப்படியில்லை என்றால், எவ்வகையிலாவது, இயற்கையே தன்னை முறைப்படுத்திக் கொள்ள முயற்சிக்கும். அந்த அலையில் மனிதன் வாழ்வு கேள்விக்குறி ஆகிவிடும்.

உலகெங்கும் நாம் காணும், அளவுக்கு அதிகமான மழை, வெள்ளம், புயல், வெயில்தாக்கம், பூகம்பம், பனி மழை, சுனாமி ஆகியன, இயற்கை நமக்கு கொடுக்கும் எச்சரிக்கையே! எனவே மனித சமூகம் விழிப்புணர்வோடு, இயற்கையோடு இணைந்து, அதன் இயல்பை கெடுக்காமல், விளைவறிந்து செயல் செய்ய வேண்டும் என்ற உண்மையினை இக்கவிதை நமக்கு விளக்குகிறது.

வாழ்க வளமுடன்.

-----

Present by: