You will earn the Wealth

பொருள் ஈட்டுவீர்!

இவ்வுலகில் உந்தன் நிலையுணர

ஆண்டுபதி நாலுஆகும் அதுவரை

விளையாட்டு வேடிக்கை என்றாகும்

தொழிலோ கல்வியோ கட்டாயம்அது

பெற்றோரே காப்பாளரே தரவேண்டும்!

வாய்ப்பில்லை என்றாலே துயரமேவாழ

ஏழ்மையும் வறுமையும் திசைமாற்றும்

வேண்டாமே பஞ்சமா பாதகம்தவிர்ப்பீர்

சிந்தித்து இவைபோக்க முயற்சிப்பீர்

அறிவாலே பொருள்ஈட்ட வளம்பெருகும்!

விளக்கம்:

உலகில் பிறந்த ஓவ்வொருவருக்கும், குடும்பமாக இருந்தாலும், தனியாளாக இருந்தாலும் பொருள் தேவை. அவை பணம், பொருள், வீடு இவையாக எப்படி வேண்டுமானாலும் இருக்கலாம். இவை எல்லாம் தேவை என்பது, 14 வயதிற்கு பிறகுதான் தெரியவரும். அந்த வயதிற்குள்ளாக பள்ளி, கல்லூரி, நுட்ப கல்வி அல்லது தொழில் கற்றுக்கொண்டால் சிறப்பு. இதற்கு பெற்றோர் அல்லது பாதுகாவலரே பொறுப்பு ஆகும்.

இத்தகைய கல்வி, தொழில் கற்கும் வாய்ப்பு ஒருவருக்கு கிடைக்கவில்லை என்றால், அவருடைய வாழ்வில் ஏழ்மையும், வறுமையும், துயரமும் ஏற்படும். இதை ஏற்று சிந்தித்து நல்ல வழியில் பொருள் சம்பாதிக்க முயற்சிக்க வேண்டும்.

அப்படியல்லாது, தானகவோ, பிறர் சொல் கேட்டோ, பஞ்சமா பாதகமான, 1) பொய் 2) சூது 3) களவு 4) கொலை 5) கற்பழிப்பு இவற்றில் ஈடுபடாது தன்னை காத்துக்கொள்ள வேண்டும். நேர்மையான வழியிலே, தன் அறிவாலும், திறமையாலும், கடின உழைப்பாலும், சமூகம் போற்றும் வகையிலே முன்னேறி வாழ்வில் வெற்றி காண வேண்டும்.

இப்போதுள்ள நிலையில், வாழ்வில் கஷ்டப்படுவோரும் கூட இதை கடைபிடித்து உயரலாம், யாரும் தனக்கு துணையில்லையே என்று வருத்தப்படாமல், பொருள் ஈட்ட நேர்மையான வழி எது? என்று சிந்தித்து செயல்பட இந்தக்கவி விளக்கம் அளிக்கிறது. 

வாழ்க வளமுடன்.

-----

Present by: