Search for what's lost!

 தொலைத்ததை தேடுக!

தொலைத்த பொருளை தேடுதல்

எளிமையே எவருக்கும் உடனுடனே!

எவ்வகையில் தேடினாலும் கிட்டிடாது

சூழ்ந்திருளை விளக்கு கொண்டேதேட!

அவ்வகையில் தான்இறை உண்மையும்

இருளோடு இருளாக ஒளியோடுளியாக!

உணர்வோடும் உணர்வாக கலந்ததே!

தனித்தனியே தத்துவமாக படித்தாலும்

பிரித்தறிந்து உண்மை அதுஅறியவே

அகத்தவமன்றி வேறுவழி ஏதுமில்லை!

விளக்கம்:

கையிலிருக்கும் ஒரு பொருளை தொலைத்து விட்டால், உடனடியாக தேட முயற்சித்தால் அப்பொருளை திரும்பப் பெற்றுவிடலாம். ஆனால், இருளைத் தேடுவதற்கு கைவிளக்கு எடுத்துக்கொண்டு தேட முடியுமா? விளக்கின் ஒளியில், அங்கே இருளே இருக்காதே?

இயற்கையின் முழுமையாக வந்த மனிதரான நாம், ஏதோ ஒரு வகையில் இறை உண்மையை தொலைத்து விட்டோம். அந்த இறையை நாம் தேடி கண்டடைய வேண்டும். ஆனாலும் இறை நமக்கு ஒரு வேடிக்கை காட்டுகிறது என்றும் சொல்லலாம். அதாவது இருளோடு இருளாக இருக்கிறது, ஒளியோடு ஒளியாக இருக்கிறது. உணர்வோடு உணர்வாக இருக்கிறது. அதனால் பிரித்தறிய நமக்கு கடினமாகிறது.

தத்துவமாக, இறை தூணிலும் இருக்கிறது, துரும்பிலும் இருக்கிறது என்று படித்தாலும், எந்த வகையில் என்று கேட்டால், பதில் சொல்ல முடிவதில்லை அல்லவா?

அப்படியான உண்மை அறிவதற்கு, குருவின் மூலமாக அகத்தவம் கற்று தெளிவதுதான் உதவியாக இருக்கும். வேறு எந்த வழியில் உண்மையை அறிய முடியாது என்ற உண்மையை, இந்தக்கவி நமக்கு விளக்கமாக தருகிறது

வாழ்க வளமுடன்.

-----

Present by: