Yoga from Bhakti!

 பக்தியில் இருந்து யோகம்!

நான் யாரென்று அறிவதற்கு

முன் இறைஎது என்பதறிவாய்

இது வரையிலே இருக்கின்ற

உருவ கற்பனை கதைகளறவே

அகல புதுவெற்று தாளாகஇரு

மனம் விரித்து சொல்வதுகேள்

அறிவு கொண்டு சிந்தித்துணர்

பக்தி வரித்த மனதிலிருந்து

யோகம் சற்றே கடினமென்றாலும்

பழகிட இறையுண்மை அறியலாம்!

விளக்கம்:

பெரும்பாலும் எல்லா மக்களும், தம் பெற்றோர் வழியாக பக்தி மார்க்கத்திலே ஆர்வம் கொண்டு வளர்ந்திருப்பார்கள். சிலர் தன் பருவ வயதுகளில் அல்லது கல்லூரி காலங்களில் “கடவுள் இல்லை” என்ற கோட்பாட்டுக்கு வந்திருப்பார்கள். ஆனாலும் கடவுளை நாம் ஏற்றாலும், ஏற்காவிட்டாலும் கூட இறை குறித்த உண்மை மறைந்திருக்கிறது. அதை அறிந்து உணர “யோகம்” வேண்டும்.

யோகத்தின் வழியே இறை உணர்வு பெற்று நான் யார் என்று அறிவதற்கு முன்பாக, இறை என்றால் என்ன? எத்தகையது என்பதை ஆராய வேண்டும். இதுவரையிலும் உலகில் இருக்கிற, கடவுள், இறை, உருவம், கதைகள் ஆகிவற்றை மனதிலிருந்து விலக்கி, ஒரு வெள்ளை வெற்றுத்தாளாக, அழுக்கற இருக்கவேண்டும்.

யோகத்தில் மேன்மைபெற்ற குரு, சொல்லும் வார்த்தைகளை, வழிமுறைகளை மனம் விரித்து கேட்டு, தன் அறிவால் சிந்தித்து தெளிய வேண்டும். பக்தியால் திளைத்த அல்லது கடவுள் மறுத்த மனதில், யோகத்தின் வழியே இறை உணர்த்தப்படுவது கடினமே என்றாலும், காலத்தால் பழகிட இறை உண்மை விளக்கம் கிடைக்கும் என்ற தெளிவை, இந்தக்கவிதை நமக்கு விளக்கிச் சொல்லுகிறது.

வாழ்க வளமுடன். 

-----

Present by: