Let's settle the debt by the guru!

 குருவால் கடன் தீர்ப்போம்!

மனம் சிந்தனை குறுகிய நிலையது

தான் யார் என்றே அறியாக்காலம்

தான் தனது எனசொல்லி குறுக்கிய

வாழ்நாள் அதுதகுந்த குரு அருளால்

தீட்சை தவத்தால் உயிரில் ஒடுங்கிட

மனம் சிந்தனை விரிந்து செயலாற்ற

இறையே தானாக நின்ற உண்மையதை

உணரப் பெற்றே கடமை தீர்ப்போம்!

விளக்கம்:

ஒவ்வொரு தனிமனிதனும் இறையின் அங்கமே, ஆனால் இதை மனிதன் உணர்ந்து கொள்ள முடியாமால் அவனின் தன்முனைப்பு “Ego" தடுக்கிறது. சராசரியான வாழ்வில் இதை சரி செய்துகொள்வது வெகு சிரமம். இதனால் அம்மனிதனின் மனமும், சிந்தனையும் குறுகிவிடுகிறது. தான், தனது என்ற நிலையிலேயே வாழமுயற்சித்து பெரும் துன்பத்தில் வாழ்ந்து கொண்டிருப்பான். ஏதோ இறை தனக்கு தீங்கிழைத்து விட்டது என்று இறைக்கே சாபம் கொண்டுப்பான்.

ஆனால் தகுந்த காலத்தில் குருவை நாடினால், அவரின் அருட்பார்வையாலும், தீட்சையாலும் தவம் செய்து, உயிரிலே மனம் ஒடுங்கி நிற்க, மனமும் சிந்தனையும் விரிந்து செயலாற்றத் துவங்கும். விடாமுயற்சியோடு தவம் செய்து பழகப்பழக இறையே தானாக நிற்கும் உண்மையை அறிந்து கொள்வான். தான் யார் என்று அறிந்ததனால், இந்தப்பிறவியின் கடனையும் தீர்த்துவிடுகிறான் என்பதாக இந்தக்கவிதை உண்மை விளக்கம் தருகிறது.

வாழ்க வளமுடன்.

-----

Present by: