Ancestors interest makes as action

 பூர்வ ஜென்ம கொடுப்பினை!

அகத்தவம் கற்றல் எனும் வாய்ப்பு

உன்பூர்வ ஜென்ம கொடுப் பினை

மூதாதை பெற்ற ஆர்வம் இங்கே

உன்வழியாக செயல் வடிவம் ஆனது!

இனியும் வாய்ப்பு தவறுதல் கூடா!

ஆர்வம் முயற்சி வாய்ப்பு நழுவாதீர்!

உன்மூலம் எழும் இந்த முன்னேற்றம்

வாரீசு அனைத்தும் பயனே பெறும்!

விளக்கம்:

ஒரு மனிதன் அகத்தவம் கற்ற ஆர்வமெழுந்து, குருவை நாடுகிறான் என்றால், அது மிகச்சாதரணமான நிகழ்வல்ல. யாருக்கும் அப்படி நேர்ந்தும் விடாது. அந்த மனிதனின் மூதாதையர் (தாத்தா, பாட்டி) வகையில் யாரோ ஒருவரின் ஆர்வமும், விருப்பமும் இந்த தலைமுறை வாரிசு ஆன மனிதனிடம் செயல்வடிவம் பெற்றிருக்கிறது.

அத்தகைய வாய்ப்பை இழந்துவிடலாமா? ஆர்வமோடும், விடாமுயற்சியோடும் தவம் கற்று தொடர்ந்து செய்துவர வேண்டும். தகுந்த குரு இல்லாது தவம் கற்கலாகா. குருவை தேடியும் காலம் போக்கிட கூடாது. நீங்கள் கற்கும் வேளையிலேயே, அந்த குரு எப்படிப்பட்டவர் என்பது உங்களுக்கு தெரிந்துவிடும் என்பதால் கவலையும் இல்லை.

எனவே நீங்கள் தவம் கற்று, அத்தவத்தில் நாள்தோறும் முன்னேற்றம் மேற்கொண்டால், உங்கள் மூதாதையரின் கனவு நிறைவேறும், உங்கள் வாரீசுகளும் வினைப்பதிவு (கர்மா) களங்கமின்றை பிறப்பார்கள். வாழ்வு இனிதாகும் என்று தவம் என்பது பூர்வ ஜென்ம கொடுப்பினை ஆகும் என்பதாக இந்தக்கவிதை விளக்கம் அளிக்கிறது.

வாழ்க வளமுடன்

-----

Present by: