Change in life due to penance!

 தவத்தால் வாழ்வில் மாற்றம்!

தவத்தால் நமக்கு வாழ்வில் வருவதிது

இதுவரை தடுமாறிய மனம் நிலைக்கும்

படிப்பில் வேலையில் செயலில் இயல்பில்

கவனமும் வெற்றியும் கைகூடிட லாபம்

தேவைஎது அற்றதுஎது என்ற தெளிவில்

ஏற்கவும் விலக்கவும் திடம் உருவாகும்

நேரத்தை மதித்து நடக்க பழகிவிடும்

தனிமை விரும்பிட வீண்காலம் இல்லை

உங்களைப் பயன் படுத்தும் நண்பர்நபர்

தானே விலகிடவும் வழி உண்டாகிடும்!

விளக்கம்:

தவம் செய்வதின் மூலமாக, மனதைப் பழக்கி, நாமும் மனமும் நட்பாகிவிடுவோம். இந்த நட்பினால் என்ன மாற்றம் நிகழ்கிறது என்று பார்க்கலாமா? இதுவரையில் முடிவுகளில் கூட தடுமாறிய மனம் நிலைத்து, இதுதான் சரியானது என்று தெளிவைத் தரும். கல்வி பயிலும் மாணவருக்கு ஆர்வம் கவனம் தரும். வேலை, செயல் புரிவோருக்கு கவனம் கூடி, பாதுகாப்பும், வெற்றியும் தரும். போட்டி, பொறாமை இன்றி, நிலையான உயர்வையும், லாபத்தையும் தரும்.

வாழ்வின் அன்றாட நடவடிக்கைகளில், தேவையானது எது? தேவையற்றது எது? என்ற தெளிவான மனநிலையில், எற்றுக்கொள்ளவும், விலக்கிடவும் உறுதியான முடிவு வந்திடும். ஒவ்வொரு நாளும், நேரத்தை மதித்து நடக்க பழகிவிடும். தவத்தால் ஏற்பட்ட அமைதி, தனிமையே நல்லது என்ற முடிவை தரும் என்பதால் வீண்காலம் போக்கிட வழியில்லை. வாழ்வில் பல நண்பர்கள் இருந்தாலும், உங்களை பயன்படுத்தக்கூடிய நண்பர்கள், நபர்கள் உங்களின் மாற்றத்தைக் கண்டு விலகிவிடுவார்கள். அது உங்களுக்கு பெரிய நிம்மதியை உருவாக்கிடும் என்று பலவிதமான உண்மை மாற்றங்களை இந்தக்கவிதை விளக்குகிறது.

வாழ்க வளமுடன்

-----

Present by: