Don't leave the Guru!

 குருவை விட்டு விலகாதீர்!

குருவின் அடிசேர்ந்த சீடருக்கும் சேர்த்தே

திசைதிருப்பி குழப்ப பொருள் பறிக்க

எண்ணற்ற கூட்டம் இங்கே உண்டுஅதில்

சிக்காது சுயமாகச் சிந்தித்தே வாழ்வீர்

குருவை சரணடைதலே சிறந்த வழியாம்

எப்போதும் குருவின் உருவம் நினைப்பீர்

விலகாது குருஅருள் அருகிருந்து உயர்த்தும்!

அனுபவம் இதுவாம் விலகிஓடி தாமதமேன்?!

விளக்கம்:

உயர்ந்த, அறிவறிந்த ஞானி, குரு எளிதில் நமக்கு கிடைக்க மாட்டார். ஆனால் நம் தேடல் கூடக்கூட இறையே தானாக, தகுந்த குருவை நமக்கு கிடைக்கச் செய்யும். சில நேரங்களில் நாமே தேடி சேரும் குரு, ஒரு ஏமாற்று பேர்வழியாக்கூட இருக்ககூடும். ஆனால் அவர் எப்படிப்பட்டவர், நமக்கு இந்த இறை தேடலில் உதவுவாரா என்பது சில நாட்களில் தெரிந்துவிடும். உண்மையான குருவை அடைந்தோர்க்கு, தன் கேள்விகளுக்கு எல்லாம் தகுந்த, சரியான பதில் உடனடியாக கிடைத்துவிடுவதை உணரலாம். குரு பேசாமலேயே தன் மௌனத்தால் கூட உணர்த்தமுடியும்.

உண்மையான குருவிடம் இணைந்தால் கூட, சில போலிச் சாமியாரும், மக்களும் உங்களை திசை திருப்ப தயாராகவே இருப்பார்கள். அவர்களிடம் சிக்கினால், உங்கள் பணமும், பொருளும் பறிபோய்விடும். எனவே அப்படி சிக்கிக்கொள்ளாதவாறு கவனமாக இருக்கவேண்டும். அதற்கு ஒரே வழி, “குருவை சரணடைதலே”.

எப்போதும் அவரின் அருகாமை இருத்தல், அவரின் நினைவை மனதிற்குள் போற்றி வணங்குதல் செய்துவந்தால் குருவருள் எப்போதும் நம்மை விட்டு விலகாது, நம்மை உயர்த்தும். இது அனுபவமாக கிடைத்த உண்மையாகும். இந்த நல்ல வாய்ப்பை விட்டுவிட்டால், இறை உணர்தலில் தடை ஏற்படும், தாமதமும் ஆகும். கிடைத்த இந்தப்பிறவி வீணாகிவிடும் என்பதாக இந்தக்கவிதை உண்மை விளக்கம் தருகிறது.

வாழ்க வளமுடன்

-----

Present by: