Let's come to learn penance!

 தவம் கற்க வாரீர் ஏற்போம்!

எவருக்கு தவம் உரியது என்றால்

எவருக்கும் உரியதாம் இவ் உலகில்

உடலுயிர் மனம் இருந்தால் போதும்

புகை பொடிமது போதை வேண்டா!

திருடரோ கொலை புரிவரோ திருந்தி

வந்தால் ஏற்போம் என்றார் வேதாத்திரி!

அழைப்பில் வந்தாலும் ஏற்பு உண்டு

அழைப்பு இல்லா ஆர்வதிற்கும் அதே!

விளக்கம்:

மனிதப் பிறவியின் கடமை, மகிழ்ந்து இன்பமாக வாழ்வதோடு, தன்னை அறிதல் ஆகும். உலகில் இதற்கான வழிகள் கொடுத்த சித்தர்களின் தத்துவங்கள், இன்று பக்தியாகவும், சடங்குகளாகவும், வழிபாடுகளாகவும் நின்றுவிட்டன. ஏறக்குறைய தன்னை அறிதல் கடமை, மக்களுக்கு மறந்தே போய்விட்டது. உலகில் வாழும் மற்ற உயிரினங்களின் வாழ்வு போல, பிறந்தோம், வாழ்ந்தோம், மறைந்தோம் என்றாகிவிட்டது. ஆனாலும் அவ்வப்பொழுது ஞானிகள், மகான்கள் தோன்றி மக்களை நல் வழிபடுத்துகின்றனர். அப்படி வந்தவரே குரு மகான் வேதாத்திரி மகரிசி.

தவம் யாருக்கு? என்ற கேள்விக்கான பதிலை குரு மகான் வேதாத்திரி மகரிசி இப்படிச் சொல்கிறார். “உடல், உயிர், மனம் கொண்ட எவரும் தவம் கற்றுக்கொள்ளலாம். இதுவே தகுதியாகும். புகை, பொடி, போதை பழக்கம் கூடாது, அவர்கள் அதை விடவேண்டும் அல்லது தவ கற்பதை விட்டுவிட வேண்டும்” என்கிறார்.

மேலும் “திருடர், கொலை, இப்படியான பாதகத்தை செய்பவரும், திருந்தி வாழ விரும்பி வந்தாலும் ஏற்றுக் கொள்வோம்” என்ற உயர்ந்த மாற்றத்தை தந்திருக்கிறார். வேதாத்திரியத்தை சொல்லக்கேட்டு அதன் அழைப்பில் வந்தாலும், தவம் கற்க, நான் யார் என்று அறியவும் ஆர்வத்தில் வந்தாலும் ஏற்றுக்கொள்வோம் என்பதே பொதுவானது. இவ்வாறாக தவம் கற்பதற்கான தகுதி என்ன என்பது குறித்து, இந்தக்கவிதை விளக்கம் அளிக்கிறது.

வாழ்க வளமுடன்

-----

Present by: