Other end of mind is God!

 மனதின் அடித்தளத்தில் இறை!

தவத்தில் ஆழ்ந்து செல்லச் செல்ல

மனதின் அலை தழும்பத் துவங்கும்

கடலின் கரையை அடிக்கும் அலைகள்

கடலினுள் போகப் போக தழும்பிடும்

இன்னும் மையம் போய்விட அமைதி

அதுபோல் மனமும் தன்னில் மூழ்கிட

அமைதி நிலைக்க தவமும் சிறக்கும்

ஆற்றல் ஒன்று நிலையானல் அங்கே

அறிவே மிகுந்து இறை வெளிப்படும்!

விளக்கம்:

வேறெந்த தவ முறைகளை விட, உயர்வானது, குருமகான் வேதாத்திரி மகரிசி அவர்களின் “மனவளக்கலை யோகா” ஆகும். இதற்கு பலப்பல உதாரணங்களை காட்ட முடியும். ஆனால் மற்ற தவமுறைகளை குறைசொல்ல வேண்டியது இல்லை. வேதாத்திரியம் எளிமையாக இருந்தாலும், வாழும் காலத்திற்குள்ளேயே “நான் யார்?” என்ற கேள்விக்கான பதிலை பெற்றுத்தருகிறது என்பதே உண்மை.

இத்தகைய சிறப்பு வாய்ந்த வேதாத்திரிய தவத்தில், ஆழ்ந்து செல்லச்செல்ல என்ன நிகழ்கிறது என்பதை இந்தக்கவிதை விளக்கம் அளிக்கிறது. எப்படி? ஒரு கடல் பிரமாண்டமாக கண் முன்னால் விரிந்திருக்கும். அதன் அலைகள் தொடர்ச்சியாக, பெரும் சப்தத்தோடு ஆர்ப்பரிக்கும், கரை அடித்து நொறுக்குவது போல அடிக்கும், வந்து வந்து மோதும். கடலுக்கு உள்ளே, அதாவது மேல்புறமாக செல்லச்செல்ல, அலைகள் அதிகம் இருக்காது, இன்னும் உள்ளெ போகப்போக அலையே இல்லாமல், சின்ன தழும்பல் மட்டுமே இருக்கும். அதுபோல மனம், தவத்தில் ஆழச் செல்லச்செல்ல அமைதியாக இருந்திட பழகும். தவமும் சிறப்பாக இருக்கும். ஆர்பரிக்கும் கடல் அமைதியாவது போல, அலைபாயும் மனமும் அமைதியாகும். ஆற்றல் நிலையாக மாறத் துவங்கினால் அங்கே அறிவே வெளிப்படும். இந்த நிலைத்

தன்மையுள்ள அறிவையே “தெய்வம்” என்று குரு மகான் வேதாத்திரி குறிப்பிடுகின்றார்.

வாழ்க வளமுடன்

-----

Present by: