Preparing the mind according to realize!

 அறிவதற்கு ஏற்ப தயார் செய்தல் தவம்!

இத்தனை நாள் வரையிலும் தெய்வம்

வெளியிலே இருக்கிறது என்றே எண்ணி

தேடிப் போய்கொண்டு இருந்த மனம்

இன்றுமுதல் தனக்குள் தேட தயாராகும்!

கடவுளை கடந்து உள்ளே அறிந்திடவே

ஆயத்தமாகும் அற்புதம் இது சித்தர்வழி!

இறை அறிவாக உணர்வது ஏற்றநிலை

ஒத்திடவே மனம் பழக்கிட அகத்தவமே!

விளக்கம்:

எதற்காக தவம் செய்கிறோம்? என்பது தவம் கற்றோரும், ஆரம்ப நிலையில் இருப்போரும், எவரும் கேட்கும் கேள்வியே. இதற்குத் தகுந்த பதில் இதுதான். பிறந்தது முதல், நமக்கு விபரம் தெரிந்த வரையிலும், தெய்வம், கடவுள், இறைவன் என்பது வெளியே எங்கோ ஓர் இடத்திலும், மலை உச்சியிலும், காடுகளிலும், பாலைவனங்களிலும் இருப்பதாக கருதி, வணங்கி வாழ்ந்து வருகிறோம். இதில் தவறொன்றும் இல்லை, எனினும் உண்மை தெய்வம், கடவுள், இறைவன் என இருப்பது எது? என்பதை அறிய மறந்து விடுகிறோம்.

ஆனாலும், நம்மை வழிப்படுத்த சித்தர்கள் அற்புதமான வழியை தந்தார்கள். அகத்தவத்தின் வழியாக இறையே அறிவாக இருப்பதை உணர்ந்து, வாழ்க்கையை நிறைவாக வாழ உண்மை உரைத்தார்கள். கடவுளை வெளியே தேடிக்கொண்டிருந்த மனம், இப்பொழுது தவத்தில், கடந்து உள்ளே தேடுகிறது. இதற்கு தவம் உதவுகிறது. எப்படி என்றால், எந்த நிலையில் இறை இருக்கிறதோ, அதற்கு சரிசமமான நிலைக்கு மனத்தை பழக்குகிறது. இறையின் அதிர்வுக்கு ஏற்றபடி, மன அலைச்சுழல் இயல்பாக்கும் பயிற்சியைத்தான் தவம் நமக்கு வழங்குகிறது என்ற உண்மையை இந்தக்கவிதை விளக்கமாக சொல்லுகிறது.

வாழ்க வளமுடன்

-----

Present by: