Stop flowing human mind!

 பாய்ந்தோடும் மனதை நிறுத்த!

மனதாலே இவ்வுலகில் நாம்வாழ் கின்றோம்

அனுபவம் பலகூடி பல்வேறு உணர்ச்சிகள்

பெற்றே ஏறிஇறங்கி கூடிகுறைந்த பலநிலை,

இங்கும் அங்கும் எங்கும் பாய்ந்தோடுவதும்!

எளிதில்லை நிலைப் படுத்த அலைமனதை!

எப்பயிற்சியும் உதவா அகத்தவம் தவிர்த்து.

ஆரம்ப நிலைதனில் பாய்ந்தேஅது ஓடிடிடும்

கவலை வேண்டா! பழகப்பழக அமைதியே!

விளக்கம்:

வாழும் உலகில், மனிதன், மனதால்தான் வாழ்கின்றான். உறக்கம் முடித்து கண்விழித்த காலம் முதல், இரவு தூங்கும் வரை எல்லாம், மனமே, அதன் செயல்பாடே ஆகும். குடும்பத்தாரிடமும், உற்றார், உறவினர்களோடும், நண்பர்களோடும், இந்த சமூகத்தோடும் பல அனுபவங்களை பெறுகிறோம். இதன்வழியாக பல்வேறு உணர்ச்சிகளுக்கும் ஆளாகிறோம். அதனால் மனம் தன் இயல்பில் இருந்து, அலையாக ஏறுவதும் இறங்குவதும், கூடுவதும், குறைவதுமாக மாறிக்கொண்டே இருக்கிறது.

மனதிற்கு அலைநீளம் இருக்கிறதா? ஆம், நிருபிக்கப்பட்டிருக்கிறது. EEG - Electroencephalogram என்ற கருவியின் வழியாக மனதின் பல்வேறு அலை நீளங்கள் பதிவுசெய்யப்பட்டு இருக்கிறது.

இப்படி அலையும் மனதை, நிலைப்படுத்துதல் எளிதில்லை. எத்தனை படித்தாலும், எத்தனை திட்டமிட்டாலும், பழக்கினாலும் எப்பயிற்சியும் உதவாது. கிடைத்திருக்கிற ஒரே வழி அகத்தவம் மட்டுமே.  தவத்தில் அமர்ந்தாலும், ஆரம்ப காலத்தில் வழக்கம்போல, பாய்ந்தோடவே செய்யும். சிந்தனைகள் வந்துகொண்டே இருக்கும். ஆனாலும், தொடர்ந்து பழகப்பழக, தன்னில் நிலைத்து நிற்க பழகிவிடும். அப்போதுதான் நாம் “நான் யார்?” என்ற கேள்விக்கான விடை அறிய ஆயத்தமாகிறோம் என்ற உண்மையை, இந்தக்கவி நமக்கு விளக்கம் அளிக்கிறது.

வாழ்க வளமுடன்.

-----

Present by: