This is the offering that the Guru asks for!

 குரு கேட்கும் காணிக்கை இதுவே!

தவமென்ற பயிற்சி தொடர்ந்து நடத்த

மனதின் நுண்ணிய அலை இயக்கம்

இயற்கை ஒன்றி இணைய துவங்கும்

உதவியாய் பலநன்மை செய்ய வழிதரும்

எந்தத் தடையும் ஏற்படா வண்ணம் 

குருவருள் என்றும் துணை நிற்கும்

இதற்கு குருகேட்கும் காணிக்கை ஏதுமில்லை

நம்தவறான பழக்கம் விட்டொழிப்பு தவிர!

விளக்கம்:

தவம் கற்று, விடாமுயற்சியோடு அதை தினமும் 5 முதல் 15 நிமிடங்கள் வரை செய்து பழகிக் கொள்ள, மனம் கொஞ்சம் கொஞ்சமாக நுண்ணிய அலை நிலைக்கு மாறிடும். இதுவே தூக்கத்தில் விழிப்பு நிலை என்பார்கள். மனம் இத்தகைய நிலைக்கு வந்துவிட்டால், இயற்கையோடு ஒன்றி செயல்படும் தன்மை கிடைத்துவிடும். இதனால் இயற்கையோரு ஒன்றாக கலந்து நிற்கையில் பல நன்மைகள் நமக்கு உண்டாகும்.

இந்த தவத்தில் எந்த பிரச்சனைகளோ, தடையோ வராது, குருவின் அருள் என்றுமே துணை நிற்கும் என்பதை மறவாதீர். இதற்கு குரு எந்த காணிக்கையும் ஏற்றுகொள்வதில்லை. நம் குருமகான் வேதாத்திரி மகரிசி அவர்களும் அப்படியே. ஆனால், “உங்களிடைய கெட்ட பழக்கங்களையெல்லாம் என்னிடம் குருகாணிக்கையாக கொடுத்து விடுங்கள்” என்பார். ஆம். காணிக்கையாக கொடுத்ததை திருப்பிப் பெற வாய்ப்பில்லையே. அதோடு நாம் திருந்தி வாழ்வதற்கும் நல்ல வழிதானே?! என்பதாக இந்தக்கவிதை விளக்கம் தருகிறது.

வாழ்க வளமுடன்.

-----

Present by: