This solution is for you

 இதுதான் உனக்கு வழி!

ஏழையும் பெரும் பணக்காரனும் ஒன்றே

இறையின் கணிப்பில் கிடைத்த அறிவை

பயன்படுத்தி ஏழை பணக்காரன் ஆகிறார்

இதிலென்ன இறை கொடுப்பதும் பறிப்பதும்?

உடல்நலம் நீளாயுள் நிறைசெல்வம் உயர்புகழ்

கேட்க கிடைக்கும் மனிதனின் பணம்தரா!

இருப்பதில் கிடைப்பதில் எதுஉனதோ அதுவே

உனக்கென அமைந்தது இனிநீயே திருத்திடு!

விளக்கம்:

இறையிடம் கேட்டுப் பெறலாம் என்பதே பொதுவான மனிதர்களின் நோக்கமாக இருக்கிறது. ஆலோசனை சொல்லுபவர்களும், “நீ இறையிடம் கேள் கொடுக்கும்” என்று சொல்லுகிறார்கள். ஒரு மனிதனுக்கு இந்த புவி வாழ்வில் என்ன கிடைக்க வேண்டுமோ அது ஏற்கனவே கொடுக்கப்பட்டு விட்டது. இனி கேட்டுப்பெற ஒன்றுமில்லை. 

ஆனால் ஏழை பணம் கேட்பான், பணக்காரன் நிம்மதி கேட்பான். இறைக்கு கேட்பது யாராக இருந்தாலும் ஒன்றே. பொருள்முதல்வாத உலகில் மனிதன் தன் அறிவை பயன்படுத்தித்தான், தானே படைத்துக்கொண்ட பணத்தை சம்பாதிக்கிறான். இதை இறை கொடுக்க முடியுமா? கொடுப்பதும் பறிப்பது இறையின் வேலையா என்ன?

உடல் நலம்,  நீளாயுள், நிறைசெல்வம், உயர்புகழ், மெய்ஞானமும் கேட்டால் கிடைக்கும். பணம் எப்படி கிடைக்கும்? இப்போது இருக்கும் நிலையில் என்ன தகுதியில் இருக்கிறீர்களோ, அதுவே உங்கள் நிலை. இது நீங்களே வரவழைத்துக் கொண்டது, உங்கள் தாய் தந்தையர் தந்தது, இந்த சமூகம் தந்தது. இதில் இருந்து மீள, ஓவ்வொருவரும் தங்கள் அறிவை பயன்படுத்தி, எவ்வகையில் பணம் ஈட்ட முடியும் என்று சிந்தித்து செயலாற்ற வேண்டும், அதுவே ஏழ்மை போக்க வழியாகும் என்று இந்தக்கவிதை உண்மை விளக்கம் தருகிறது.

வாழ்க வளமுடன்.

-----

Present by: