Who am I at the peak of thought?

 சிந்தனை உயர்ச்சியில் நான் யார்?!

விலங்கின தொடராக வந்த மனிதன்

சிந்தனை எழுச்சி பெற்று விட்டான்

அவனுக்குள் கிளர்ந்த நான்யார் என்பது

மனம் இதனாக மாற்ற முனைந்தது!

காலம் இயற்கை ஒத்துழைக்க அவனும்

எண்ணம் சொல் செயலும் எங்கனம்?

மனம் என்பதேது என்றும் சிந்தித்தான்

விடையாய் பெற்ற கனியே அகத்தவம்

விளக்கம்:

இந்த உலகில் மனிதன் தீடீரென்று வந்துவிடவில்லை. யாரோ பொழுது போகாமல் படைக்கவும் இல்லை. பரிணாமத்தில் ஒன்றிலிருந்து ஒன்றாக மாறி மாறி, வந்து நிறைவு பெற்ற உயிரினமே மனிதன் ஆகும். மனிதன் சிந்தனையில் உயர்ந்திருக்கலாம் ஆனால், அவன் விலங்கினத் தொடராக வந்த “ஓர் உயிரினமே” ஆகும். மனிதக் குரங்குகளுக்கு சமமாக வாழ்ந்துவந்த “நியாண்டர்தல்”,“ஹோமோ எரக்டஸ்” மனிதன், தற்போதுள்ள “ஹோமோ செபியன்” நிலைக்கு வரவே பலப்பல நூற்றாண்டுகள் ஆகின. “ஹோமோ செபியன்” எப்படி இருப்பான் என்பதற்கு, நம்மை நாமே, தாடி, மீசையோடு கண்ணாடியில் பார்த்துக் கொள்ளலாம்.

தனக்குள் எழுந்த சிந்தனை வழியாக, முந்தைய உயிரினங்களோடு தன் வித்தியாசங்களை உணர்ந்து, “நான் யார்?” என்ற சிந்தனையின் உச்சத்தை அடைந்துவிட்டான். இந்தக்கேள்வியே மனிதனை, மனம்+இதனாக மாற வழிவகை செய்தது. அவன் ஆர்வத்திற்கு காலமும், இயற்கையும் உதவ, எண்ணம், சொல், செயல் என்பது என்ன? மனம் என்பது என்ன என்றே ஆராய முயற்சித்தான். அந்த ஆராய்ச்சியில் வெற்றி கண்டவர்கள் தான் சித்தர்கள் ஆகும். அவர்களுக்கு கிடைத்த வெற்றிக் கனிதான், மனதை ஆராயக்கூடிய “அகத்தவம்” என்பதாகும். இவ்வாறான உண்மையை இக்கவிதை விளக்குகிறது

-----

Present by: