You will know the greatness of the mind!

 மனதின் மகத்துவம் அறிந்து கொள்வீர்!

உடலுக்கும் உயிருக்கும் தொடர்புக் கருவி

மனிதனுக்கும் இறைக்கும் இணைப்பு பாலம்

சின்னதாய் பிரமாண்டம் விரிந்து சுருங்கும்

எங்கும் எவரோடும் இணைந்து நின்றிடும்

அக்காலம் இக்காலம் எக்காலம் பேதமின்றி

எப்போதும் நினைவில் நிறுத்தி வைத்திடும்

இருப்போர் இல்லாதோர் எவ்வுயிர் எப்பொருள்

வடிவமாய் மாறும் மனமறிய தவமேஉதவும்!

விளக்கம்:

மனம் என்றால் என்ன? என்ற கேள்விக்கு அவ்வளவு எளிதில் பதில் சொல்லிவிட முடியாது. குருமகான் வேதாத்திரி மகரிசி அவர்கள் “மனிதில் இல்லாதது ஏதும் இல்லை, மனதிற்கு அப்பால் ஏதும் இல்லை” என்று சொல்லுவார். மனம் ஒரு அற்புதம் என்றால் மிகையில்லை. மனம் இதனாக கொண்டவனே மனிதன். அத்தகைய மனதின் மகத்துவம் அறிந்து கொள்ள வேண்டும்.

உடல் உறுப்புக்கள் வழியாக உணர்வை பெற்று, இன்பமாக துன்மாக உயிருக்கு கடத்துகிறது இந்த மனம். மனிதனுக்கும் இறைக்கும் இடையிலே பாலமாக அமைந்திருக்கிறது. அணு அளவிற்கு சுருங்கவும் முடியும், பிரபஞ்சம் அளவில் விரிந்திடவும் முடியும். யாரை நினைத்தாலும் அவரோடு மனதளவில் இணைந்து நிற்கும் சக்தி கொண்டது இந்த மனம்.

நேற்று, இன்று, நாளை, ஆதிகாலம், எதிர்காலம் என்று எக்காலத்திலும் தடையின்றி போய்வரக்கூடியது மனதின் ஆற்றல். மூன்று வயது முதல், இறப்பு வரை எல்லாவற்றையும் தனக்குள் பதித்து அவ்வப்பொழுது எடுத்துக் காட்டும் திறமை கொண்டது. உலகில் வாழ்வோரையும், நம் மூதாதையோரையும், எந்த உயிரையும், எந்த பொருளையும் நினைத்து அதன் வடிவாக மாறக்கூடியது நம் மனம். இத்தகைய தன்மையுள்ள மனதை, ஆராய்வதற்கு எளிய வழி, தவம் மட்டுமே என்று இந்தக்கவிதை மனம் குறித்த விளக்கங்களை தருகிறது. 

வாழ்க வளமுடன்

-----

Present by: