You'll only get it if you ask!

 கேட்டால்தான் கிடைக்கும்!

உலகோர் எல்லாம் தூக்க மயக்க

கனவுகளில் வாழும் நிலை போல்

எங்கோ ஒருவர் விழிப்பு பெறுவார்

தானும் இறையும் எதுவென அறிவார்

இயல்பே அவர் பிறர்க்கு சொல்வதும்

தன்னை மறைத்து நிறை வாழ்வதும்

தூக்கம் கலைத்து எழுப்பிட வந்தால்

ஏற்பீரோ? அவர்தன் வாய் அடைத்தார்!

விளக்கம்:

இந்த உலகில் பெரும்பாலான மக்கள், எல்லாவிதமான சிக்கலில் சிக்கி வருந்தியே வாழ்கின்றனர். தன்னை உயர்த்த, தன் குடும்பத்தை உயர்த்த, பொருளாதாரத்தை உயர்த்த ஓவ்வொரு நாளும் பரபரப்பாக, தூக்கமும், ஓய்வும் இன்றி உழைத்துக்கொண்டே இருக்கின்றனர்.  எதை செய்தாலும் தோல்வி, கவலை, வருத்தம், நோய் என்று வருந்துகிறார்கள். இது ஒரு மயக்க நிலையே என்று ஞானியர்கள் சொல்லுவார்கள். எதை எப்படி சரி செய்ய வேண்டும் என்று அறிவை பயன்படுத்தாமல், மனம் போன போக்கில் செயல்படுவதனால் தான் இப்படி நேர்கிறது என்று சொல்லுவார்கள்.

ஞானியும், இந்த மக்களோடு இருப்பவர்தான். எனினும் அவர் “நான் யார்?” என்று அறிந்தவராகிறார். இறை என்பது எது என்பதை தெரிந்து அந்த உண்மை விளக்கத்தோடும் வாழ்கிறார். ஆனால் அவர் அந்த விளக்கத்தை சொன்னால் யாரேனும் ஏற்றுக்கொள்வார்களா என்ன? உனக்கு வேறு வேலை இல்லை, ஆனால் என் வேலையை கெடுக்காதே என்றுதான் சொல்லுவார்கள். ஆனால் ஞானியின் இயல்பே “அறிந்ததை சொல்லுதல்” என்பதுதானே!

தூக்கத்தில், கனவுலகில் இருக்கும் ஒருவரை, யாரேனும் எழுப்பினால் அவர் சும்மா விடுவாரா? அப்படித்தான் இந்த மக்கள் இருக்கிறார்கள். ஞானியரை வெகு சுலபமாக ஏற்றுக்கொள்வது இல்லை. இதனால்தான் இறை உண்மை தத்துவம் அறிந்தோர், தன்னை வெளிக்காட்டாமல் இருக்கின்றனர் என்று இந்தக்கவிதை விளக்கம் அளிக்கிறது.

வாழ்க வளமுடன்

-----

Present by: