Consciousness conscious itself

 தன்னை உணரும் அறிவு

துரியத்தில் நல்ல அனுபவம் பெற

மூன்று திங்கள் பொது மேலும்கூட

மனம் உயிரில் நிலைக்கப் பழகும்

அங்கே அறிவு தன்நிலை அறியும்

மனதோடு இணைந்தே செயல் பட்ட

மயக்கம் விடுத்து தன்னை உணர

தயாராகும் மேலும் இதுவரை தான்

பெற்ற புதுவினை நீக்கம் பெறும்!

விளக்கம்:

துரிய தவம் என்ன செய்கிறது என்பதை புரிந்துகொள்வதற்கு, மூன்றுமாதங்கள் தொடர்ந்து தவம் செய்ய வேண்டும். துரிய தவமே மேலான தவம் என்பதால், எவ்வளவு காலம் வேண்டுமானலும் செய்யலாம். அந்த தொடர் முயற்சியில்தான், உயிரிலே நிலைத்திருந்த மனமானது, தன் அடித்தளத்தில் அறிவாக இருக்கின்ற உண்மை புரிந்து கொள்கிறது. ஆண்டுகள் பல செல்லச்செல்ல தானாகவே அறிவு, துரிய சக்கரத்தில் மிகுந்து விரிந்து, எங்கும் விரிந்திருக்கிற வான்காந்தத்தின் துணையோடு, பரத்தில் இணைந்து நிற்க வாய்ப்பு உண்டாகும்.

எப்போதுமே உணர்ச்சி வயப்பட்ட நிலையில், மனதோடு இணைந்தே செயல்பட்டுக் கொண்டிருந்த அறிவானது, தன்னை தனியாக உணர ஆரம்பிக்கிறது. அப்படி உணரும் வேளையில்தான், ஆகாமிய கர்மம் என்ற ஆன்மாவுக்கு இச்சை ஊட்டி, நாமாக பெற்றுக்கொண்ட வினைப்பதிவுகளை தீர்த்துக்கொள்ள தயாராகிறோம். காலத்தால் அவை நீங்கிடும் என்ற உண்மையை, இந்தக்கவிதை விளக்கமாக தருகிறது.

வாழ்க வளமுடன்.

-----

Present by: